Paqkáí vjú zi-we we dang nvng vjú ma-zi we dang

Vpøí we pèmè nvmchvngmaq dèni Paqká í vjuzi we dang, vjú mvzi dang tiqdòngce dvtit dvlé lvm íē.

Paqká nø nøngmaqí nìvrvm vsháng,dørøm nvnnvn lá:ngì nø aqì we tiqpvn íē.lvngsháì nìnø cì tiqpvn ínø lvngmvshàì nìnø vjú mv-vl we (pvlā) vpø we svng paqzí vdèrìí dvtøp lúnò wē íē. (1) Paqká nø góng vdòng shúrì kaq svng dvzø lvm Shaq vlē. (2) Paqká ínø dèni la nvm nvng shø kèní vsvng góng mvrshvm dvtin gvyaq lvm rì shvngbè svng gār dá:ngòe, wàe. (3) Paqká nø Vmpà rì nvng vsār dø èaq nìnø vsvng dvpvt vjú mvmè lún shì we svng shálún shìe. (4) Paqká cvp nø vsvng shì nø vngà we vnàng shvnvngø egvl bøò nìnø vngà long vmvng we,gonggvngrì shøpmò we svng shálún shìe.

Vrá nø;"Vjú mà-vl we dang svng eyvng longò dvgvp"

(1) Paqká nø cì companyrìí pvtøq cì wàò yvnggø lá:ngò we tiqpvn gø íē. (2) Vmpà vmdvngí zvng wa Paqká èaq nìnø vmlvm pvn taq kèní góng dvpvt vjú vllvmrì shvngbe svng shvt kèò nø pvlā bøn lvm shálún shìe. (3) Paqká nø èkøt bøò mèpvng vchut nārī vlé bø kèní bvttut aq mv-daq! wā e. pàwálvm wàni pvlā bøn sháòe nø nvmbøng zā è, wàe. (4) shìgùng móng paqká nvng cì tvp wa mv-gvl lvm vyá shì ràe, wàe. (Shá dvchō rì nvng gø tiqdø gvl mv-daq wàe.) (5) dèni la Paqká íwaò we tìzø rì nvng dvgá dø Paqká kèní aqlvm pvnrì vlē.Gvtsing rvgaq kèní vwā dø wvnvm nø aq lvm ídaq ke léga vrū rì shvlá wá rø nø lvnglvm gvzà vchvk we íē. Wervt vpø íwe, Pèmè nvmchvngmaq Paqká nø lvngsháì kèní nø cì ínø lvngmvsháí kèní nø pvlā bøn we dāng svng shá dvzvr we Mongkà nø yà yv'ng nar ngò e.