Phone,Kà shøn jak yøprà yvng lvng vyáshi rà we dang

Phone,Kà shøn jak yøprà yvng lvng vyáshi rà we dang

Vpø íwe Pèmè nvmchvngmaq Yøprà svng egòng nø eyøp dvgvp Telephone lv'ngshì nø eyøp kèní nø gōng dvpvt vjú mà-vl wa shøne. Vkvt,dènilà rvtø rì taq nø vsvng cvmgø tégø phone rì lá:ngìe.Vra nø internet rì Facebook rì lá:ngì nø dvma: nìe. Iwe paqzí vdèrìí shøno we nø yøprà yvng phone gvlsorì eyøp kèní nø gōng dvpvt gø gòmvcì dvpvt gø vjú mà-vl svrè dvké we bønshàòē wàe. Eyøp dvgvpì vdè shvnvng phone vlkvt lúnshì we màshvlarì nø...(1) shvlá wā yøp mvlùnshì.(2) Eyøp dvgvp chvn vnvn phone (message) di nø dvshat ràe.(3) phone taq vbá we jvkrì cellrì taq kèní shagóng nvng vgòmvzi svng narshì mà-dvzá:rò.(4) phone taq kèní wan ke ra we gá lòng í gø vne dvpvt gvzà nònggwøn yūm dvzvrè.(5) vsvng taq nø yøp rvtøí yøp mvyø' we nøntrì svng shvyūmo e, wàe..Wervt Vpø íwe nvmchvngri ē..yøp lvm ewa dvgvp nø phone chvng gø battery maq ràe.vdè eyøp we shvrà nvng vsàr yvng gvl ràe.(Møínì,Airplane mode washì nø yøp ràē )wanø Shiqshan dang paqzí vdèrìí shø:nòē.