Rvtø ècaò 

Rvtø ècaò 

Dvrì dvgvp paqzí vdè shaqré tiqpè nø àngò dvzømshúrì nvng zaqlè tiqtvrà svng ngange wae.Zømwàng shvrà tiqyáng tuqá:mì dvgvp tiqná nvrshìe wae. Vq-tì béá:mì we íraq gvzà màzvrwe shvrà taq vlwe tìdøm taqkèní vtì kvplvm dvzømshúrì svng dvzvŕòe. Wedø dvzøm shúrì gø tìkvp svng búngá:mì. Wekvt tìdøm taq shvrì, shvtngarì aqwe tìdøm írat vtì lòng mvshàn dawe svng yàngòe.  Weratnø dvzømshúrì nø àngmaqò svrapè kaq vtángráì. Shaqrépèí gø pàtiqkà gø mvtàngò nø dø màwá vle wae. Tiqná naqráì dvgvp dvzømshúrì svng vrá tiqkvt tìkvplvm dvzvŕ òe.  Weboq taqnø vtì tiqhancè shàndvr we svng yàng bøà. Werat dvbù nøtí dvzømshúrì shvngbeí vq-tì kvpa:tnà.  Wekvt shaqrépèí àngmaq svng røtnòe " Tì shvnlvm dø kàdø èwà bøshà má? A:lòe. Dvzømshúrìí gø pàgø mvwà bøì wa vtangòe.Weyáng kèní tiqgøí vtangò we nø rvtø cabøshà v:lòe. Wekvt shaqrépèí vhøshìnø v:lò we taq Íe, tì shànlvm dvpvt rvtø cabø shà.  Wedøni namaq svng gø tiqgø gø taqkèní shvmná mvgør lvmdø èwà lo:ngøngkvt nàmaqò nøtrì mvgørnø mvshànvm we ínìnø pàtiqpvn gø mèwà nøngnø we dø vl-dàng èwà nøng. Bøn rawe bvnchvt taq cvnnø rvtø tiq rvtø vlev:mkvt shvmná mvgørnøt, mvwámshìnøtrì vmangvmnø todø namaq nøtrì shèrv:me.

Add new comment

12 + 0 =