Rvtø Angdòngcè taq gòngwe gùmsøng lún shìlvm dvpvt kànkà shí kàt lvm dang

Rvtø Angdòngcè taq gòngwe gùmsøng lún shìlvm dvpvt kànkà shí kàt lvm dang

 

Kankashí nø vní shvlá vhøm láìwe rvtø vdòng taq vm lúnshì we íe. Kankãshí svng vmyu pvn gvrán shì we nø mvl. Angshí kaqavng yvngò ke Angshí angdòng cè nvng angshí yvnggúng wanø vní pvn wa vlè. Angshí Angdòngcè taq nø 7-10 cm nvng Angshí yanggóng nø 15-18cm høq yvng we kaqsvng yánglún shie. Angshì taq mùng we pvn nvng mvshøngwe pvn níwa vlè.

Kvt lvm rvgaq shvra - Kankashí døng nø bølum we rvtø lvngcha kaqsvng shóng shìe. Shvgòng móng rvgaq yvng nø rang tóng rvtø taq katò ke shvlae. Yalong kanka shí nø tì shvlá wa lún shìwe rvgvq nvng nampøn gø téwa vchvt we íe.

Wulaq bvnli dang walvm dvpvt - Kankashí kaqsvng Wulaq bvnli zìdang høq dvzaq shìnø walvm gø shvlae. Wedø walvm wa nìnø rvgvq mèmé loqloq lún ràe. Kankashí døng tiqdøng nvng tiqdøng (3')dvng tè vsvl dángí tiqdøng yvng dvyø vcøm chvng tang tè zángã ràè. Ang kòngjvm nø mawá mvdaq we tiqpvn íe.

Rvgaq nvmbøn dvng - Nvngò nyeq nvmbøn svng tiq Acaq yvng tang (10-15) tángtè záng tángí Uria dat nambøn svng nø (224)p tángtè záng ràè. Dat nvmbøn svng zángò ke rvgaq nvng vrá dø gønshú nøzáng ràe.

Dvyø dvpòngò we - Kankashí svng nø angye svng zang wa rvgaq taq katnò we írae. Dvpòng mvra. Mvyù rvtø nø May nvng June shvlá taq kat dángí rangtúng rvdø taqnø Oct nvng Nov shvlá taq kat ràe. Ang kòngjam waò nìgø té shvla nø shøng gùng dvwa mvnyúng rìyvng svng vrìng shì dvzvlò nìnø yøt vm lvm yòl we íe. Ang mvnòq rìsvng gø rvt nà ràe. Tiq Acreq yvng kat lvm dvyø nø kg 2-3 ràe. Kanka shí dvyø 100g yvng ang pan nø (700) jan dángtè íe.

Kanka shí ang døng rì kaqsvng wulaq bvnlì dang waò nìnø angdøng rì cvm dvgap dvhø rvm taq vrá dø wáã ràe. Kanka shí døngrì angshvlcè nvmpù wat lóng ìwe rvtø taqnø ang mvnoq rìsvng ratãna ràe. Wedang íwa ang mvnuq rì téwa shvla nø téwa angshí zílònge.

Angshí røtvm lvm dang - Kanka shí angdøng rìnø rvtø ( 75-92 ) nì vhøm ke angshí røt vm lúnshì we íe. Mvgòng mvnøn ke røt vmã ràe. Nønbøìwe angye rìnø zaqrvt vm lvm mvgam lònge. Angshí rìkaqsvng tiqnì vzvl røt vmke rae. Angdøng rìsvng gún lvjáng wedang shvlà nì rvgvq shvlá yvng katlúnò nìnø téwa lúnshìnø tiq Acreq taq kanka shí chvng ( 27000-30000 )kg lúnshì we íe.