Sarabin Koqkvm ri svng ME zvngo nx rvsvngo tvra

"ME" zvngo nx vgo washi we vsvngri svng rvsvngo tvra nx Shvngxmre vdong yvng gx vle. Catholic Shvngxmre vdong yvng, shvngxmre vdo washilvm ri svng rvsvngo rvtx ME zvngo sori Vkang Vya ri zio we ie. 

Wedx ME zvngo sori rvsvngo ri yvng, Svrabin Koqkvm ri, Cardinal ri, Svrado (Bishops) ri, Fathers ri washilvm vsvng ri svng ME zio tvra vle. Svrabin Koqkvm svng rvsvnglvm rvtx taqnx, Mongdvn vrvm keni Caridinals ri shvngbe ROMA Myo yvng dvkxmshi nx, ME zi rawe ie. 

Svrabin rvsvnglvm ME zio rvtx taq, vjurxt lipong vzvng wa rae. We mepvng, tiniq rvtx taq vsumbaq ME zvngo bvnli svng wao. ME tewa luno Cardinal nx Svrabin waluno ie. ME zvngo rvtx Svrabin washilvm pe mvluno ini nx, ME svng vjurxt shi sori angbaq baq zvng ra we ie. 

Lvngdxm Svrabin washilvm pe rvsvng luno mepvng, Svrabin washilvm bvnli svng vto lun mvlun rxt rae. Svrabin washilvm pei vtoo mepvng nx, Catholic Shvngxmre vrvmo vdo washu pe svng lun bxwe ie.