Shvlá mv-gøke shøqò we cvmré tiq gø

Shvlá mv-gøke shøqò we cvmré tiq gø vshíshaq íe lá:nò we;

Ajitina móng Dan taq shvlá mv-gøke shøqò we cvmré tiqgø nø Svrawunrií vshìshaq íe wa shvdø:ngò nø tvwvn dø'ng yv'ng gvlā:pmà .12 nari vlē ráikè Angpè Angmèníí Lvngdøm yv'ng mvyø' rvt yvngá:màke vngvt vl da we svng chvn vnvn yvngà:pmà."Nga wu:rì cvmré gø wūr svng vko:kngò dá:ngí mvrwvm long chøngònøng nø ngø we kà shámshám wa táng bøngà. Wekvt hí dvgù vnøn nø nga gø shø vnølvmà.Ngàní vní gøgø rò wa ngøshìe"wa shønshìe. Vkvt cvmrécèmè nø mvmè té á:mi .Cvmrémè svng Miracle light (Vtìqlvm gálong) wa nø bøng zíóe,wae yàdang internet mongdan dvtøp Jane taq kèní shálúnshì e.