"Svmaré tiqmèo vpø vtvng zìdvng dvgúng" wàwe Kà Vgo taqkèní dvtit dvlé nø dvshvng lvm íē. Vpø íwe vnvmchvngmaq" Svmaré tiqmeò vpø vtvng zìdvng dvgúng nø lvngàré shvlá tiqgø svng vtōshì lúnò lòng íē." Døngkumèlā svmaré gø vrvm nø nøntshøm dvbù lúnò we

"Svmaré tiqmèo vpø vtvng zìdvng dvgúng"

Svmaré tiqmèo vpø vtvng zìdvng dvgúng" wàwe Kà Vgo taqkèní dvtit dvlé nø dvshvng lvm íē.  Vpø íwe vnvmchvngmaq" Svmaré tiqmeò vpø vtvng zìdvng dvgúng nø lvngàré shvlá tiqgø svng vtōshì lúnò lòng íē."   Døngkumèlā svmaré  gø vrvm nø nøntshøm dvbù lúnò we vsvngrì wā mø-í. Tiqmaq nø nøntshøm dvbù lúnò we ínigø , tiqmaq nø vdè døngkupè, Døngkumè rvt rvtø vrv'm shaqcvm lvm vhømō we vlē. Vdè døngkupè nø  nønt-hø:p mà-shvla we Vsvng lā íni, Vm aq nø vrùkéò we vsvng lā íni, byolvm tvràrì taqwā shvmap kèwe Vsvng lāwàwe Kà Vgo taqkèní dvtit dvlé nø dvshvng lvm íē. Vpø íwe vnvmchvngmaq" Svmaré tiqmeò vpø vtvng zìdvng dvgúng nø lvngàré shvlá tiqgø svng vtōshì lúnò lòng íē." Døngkumèlā svmaré gø vrvm nø nøntshøm dvbù lúnò we vsvngrì wā mø-í. 

  Tiqmaq nø nøntshøm dvbù lúnò we ínigø , tiqmaq nø vdè døngkupè, Døngkumè rvt rvtø vrv'm shaqcvm lvm vhømō we vlē. Vdè døngkupè nø nønt-hø:p mà-shvla we Vsvng lā íni, Vm aq nø vrùkéò we vsvng lā íni, byolvm tvràrì taqwā shvmap kèwe Vsvng lā íninø, vchanglaqya tìn nø chángkvlang wáshì we lā vl nìnø døngku wemè nø Vsvng dvhøø nønt byolvm lòng mà-vl shaqcvm lvm vlē. Wepàdø vchanglaqya mà-shvla we svmaré tiqme rvt lvngàré tiqgø' gø gvzà dvgúng vyøm lvm vlē. Àng góng, àng hí-wūr taq kàdvngté rìng we, vpø we Vshé, lòngséng í dū:pshì nigø, shvnvp shì nigø Nøntshøm nønt byōlvm mà-vl. Vsvng mvrdvngø Døngkupèla, Døngkumèlā tvràrì shøn lú:ngò, gùng lúngò dvgvpmø Vsvng dvhøø mvr-shaqcvm lvm vhøm lvm vlē. Lvngàré shvlá, nønt vchanglaqya shvlá, tiqgø svng vtōshì lúnò we svmaré tiqme nø vshé mà-vl nigø, Gvmsùng mà-vl nigø, àng taq kadvgvp gø shangshang wacè nøntshøm dvbù lúnò nø hēlvyit lánggá Mvrshvm dvtvn lunòe. Wervt lvngàré shvlá tiqgø nø svmaré tiqgø dvpvt gvzà vpø nø rìng we ìshøt igvn tiqlòng íē. Wepàdø svmaré shvlá tiqmè gø lvngàré tiqgø dvpvt gvzà rìng we vpø vtvng ìshøt igvn tiqlòng íe. Wervt shóngshøng we vnvmchvngmaq Døngku vdòng Døngkupè, Døngkumè mvdvmø rìng nø vpø vtvng we, dvbù nøntshøm dvgúng zílùn we, vchanglaqya shvlá dvtvn lún we Døngkumè, døngkupè wáshì laqlúnì wvng dvtit dvlé we mongkà svng yàyvng nāròē.