Vdà mvgamè wa long

t"Dèni døngku lvmang taq nø,

Vdà mvgamè wa long nø pà svng wàe? wa we kà vgo taq kèní dvshvnglvm íe." Vpøí we Pèmè nvmchvngmaq, vdá mvgàm ì wa long svng Tiqmaqí nø ja Gvmsùng vdá gø, Mø-í nì chøm shvlá vdá gø, mø-í nì Modo vdá gø nø vdá mvgàm íe wa sunòe.Iwe paqzí vdèrìí su:nò we taq nø, we dø ígø nø vdá mvgàm gø' bvttut mø-ī wa nø shønòe.chøm shvlá yvng vl nø Modo zūnshì we íni gø,nønt gvzà dvshà we tiqgø íkvt kèni nø we gø nø mvshāmhoq tiqgø íè, waē. Vrá nø a:ngò góng taq Shiqshan we jèjú mv-lunò we íkvt kèni nø chøm shvlá taq vl we ínì gø, nønt shømlvm mà-vl, mà-yøp mà-yøp angyaqrì shvlēò we, dvshá dvrē íwe tiqgø rvcī íè waè.

Iwe, vdámvgà:me, wa long svng kadø sunlvm? wā we taq, Nøngmaq nēí Yvngshi we pvnrì kèní sun nø shøn mà-shvla,wa long svng shønràāmi. wervt, mv-yvngshì we gong laqmù svng yvng nø vní dangdang gūndvtøp da:ngí wa vdá mvgà:m gø' wa nø, tø' shvla è waē.Àng góng vdòng vl we shánønt, dvdà:m nønt mvsøn shvngbè vnvp nø, shvlā nø , bvnlì wa gø ngutnò gø', vl byō gø' nø ,vdá mvgà:m gø íe, wanø shørà á:mi. vrá nø,bāng mvnø'ce vl sháshì gø svng gø vdá mvgàm gø' wa sun shvlāe, wàe. Wervt Gvray kaq kvmì we Rvzvngcerí gø' vrvm nø gvrayò shóngnønt dvrá Mòngkà vdòng taq shvzøng shì lun nì kvt kèní nø kagø' gø vdá mvgàm gø' íshvla we svng yv'ng lúnshì ē.