Vgò mácì téwa shìqshvn wedàng bvnlì wàlúnlvm dvpvt tiqni taq høgám ( 4,000 ) høq dí nì nø vjú vlwe shvngkā .

Vgò mácì téwa shìqshvn wedàng bvnlì wàlúnlvm dvpvt tiqni taq høgám ( 4,000 ) høq dí nì nø vjú vlwe shvngkā .

 

Loqsangelit myo California (University) zøng kvbà kení gùn dvtøp mòwe rì taq kení shá lún shì we taq nì vrvm tvràdì lòng nø vgò møcì téwà shìqshvn wedàng kaq vgò møcì téwà bvnlì walvn lvm dvpvt vjú vlwe svng shá lún shìe.

Vsvng pāshvrì wàwe shvngbe nø lvpvt té ló:ìkē tiq tvchá síngrá nønt, mvsing nønt pvnchvt rìnø vhøm lvm tàrá nvmlat tiqtvrà ídaqe. Wedø írvt vsvng wàwe pvn nø vrø:ng lā shàng írvt angdvng dvng rvt nø síngrá mvsíng nønt rì súm nø vnø:nsháò we svng íràe, wà lòng svng shá lún shìe.

 

Tiqnì taq høgám (4,000) vsøm kilometer we mvtaq tàrá dì rì, gvsøp nø màn shì we vsvngrì nø vgò mvcè nvng mvzøngshì nønt téwà bvnlì walvn shì we vllè wà nø, gún dvtøp mòrì taq kē ní, shá lún shìe.

Gvsøp nø màn shì we mvl rvt nø shìqshvn wedàng mvshàlà we svng vhøm shì we lòng íe. Tàrá dì we lòng nø yòl vyvng we, shvng shvng wà màn shì lvm tiqpvn gø ínø, shaqrøng rà dvgvp mvzøng nønt nvng vgó mvcè shìqshvn wedàng mvshàlà we tārá rì svng vgárà nø tàrá mvnmvn dínà ràe, wanø shøn we svng shálún shìe.

 

Gún dvtøp we mòrìí shøn we taq góng gvsøp màn shì we mvl vsvngrì nø ( tiqnì taq nø høgám 4,000 tvngdè gø mvhøqò dø tàrá dì we vsvngrì ) nø góng gvsøp màn shì we vsvngrì mvdaq zøngrá nønt nøgòn yóm we svng shálún shìe, wàe.

 

Tàrá màn màn màn dì we rvtnø lvpvt dè ló:ìkvt mvzøngshì lvm nønt dé shvlà nø bvnlì wà daqkē déwa døpdøp wà nø wà shì lúnò we svng shálún shìe. We mvpvng vrá dvdøpmòwe tiq tàrá nø vgò mvcè shìqshvn lvm wedàng dvpvt ngàshà màn màn vmà nø kvnyúng kvnyàng rì nvng shìqshvn wedàng vdù we vm aw lvm pvn svng vm aqò wà nø shá lún shìe.