Vháng vlún lvm dvpvt vl ra we mvtú (5)dang

Vháng vlún lvm dvpvt vl ra we mvtú (5)dang

1. Yøp náng vl ràe. Tvnùng mangá tēdø yv'ng ràe. Lvpat tiq lòng vlíng vpo dø náng ràe. Vza'ng kaq mv nángshì we Yøp nángrì svng gø dèni kenì enáng ngò. Tvnùng Mangá náng we taq Vkvt Lvpat svng tiq lvngcè nànāò. Na jøngjø'ng lún mèyø we Lvpat, bøn mvyø lvpat nvng na jøngjø'ng tuq mvyø we lvpat ílúnlvm nø gvzà vchvk nge.

2. Kám ràe. Na jøngjø'ng lún mvyø, bøn mvyø we Yøp nángrì svng nàí esháò lòngí wa bøn mvdaq . Ngaí nángò we yøp náng svng bøn ni bøn ràe, wanø kvm ràe. Nà nø nà mèkvm ninø dvgá Tiqgøí na svng kadø wa lvkvm ràni. Tiqdál vsvng kvm we ínigø mvkvm we ínigø vdè nø vdè kvm ràe. Vdèò tvnùng mangá lòng svng bøn lún raè, wanø kvm lún ràe.

3.Cvnshì ràe. Nà nø nà Kvmnøtní wā bøn mv-daq. Shá vdu rì cvnshì vdu rì cvnshì ràe. (Little knowledge is very dangerous. ) wàwe Singshá nønt, singrá nønt svng màcvn shìshaq èvl ninø shaqcvm lvm vlē. Wervt nø vshøm mvtuq íwe cvnshì lvm dang taq kømzøp dø ecvnshì.

4.Èwào. Cvnshì bø rì taqkeni wà mà-dvng. Na í èsingò dø yàng mà-dvt wá ràe. Kadø wá ràe má? wani mà háng dvngtè nø mv-narshøng wawe nøntnì èwàò.Nāyī tiqmūn yvng (tiqni taq tiqcé nāyī vshøm nøng)yàng mà-dat wá ràe. Yvgaqtøm taq bvnli wanø shi we vsvng mà-vl. Bvnli mvwa nø dvshá dvré lvpat shvlēò weí welong dvsha lú:ngí mvng nà kaq èshat lòng we svng dvda:m nø èwàò.

5. Dètøp mō. Èwào lòngí mà háng ninø tiqkvt dètøpmō.vdeí èwào we mvtú taq Kapà cip v-le, Kapà ràe ,Dètøpmō .Mvkøm zøp we vnø'n we dang svng vrá tiqkvt dètøpmō.vháng vlún Vsvngrì kaq svng erøt shì. Dvla hàngrì svng dètøpmō. Shaqcvm ninø vlingvpo lvm rvt mènà nø'n ni.

Yalòng mvtú (5)dang nà taq vl bø ninø jórlun bø:ngā, wanø dvdāmshì shvlāe.