Vjú vl we vmlvmrì

             Vsvng gø vrvm nø vmlvm lù:ngí cúnshì we íe. Wervt vjú vl we vmlvmrì vm ra we íe. Vmlvm taq Záyvng vgámkéó we Vmlvm, góng dvtéò we vmlvm, Nonggwøn vlvm pvn vmlvm wa nø vshøm wál vle. Záyvng vgámkéó we vmlvm pvnrì nø,Køm,lvmóngshí,Jvngúmshí, Mvnga,kaløm gøm ziq, vnoangpvnpvn, dvnggwà,goye mvnuq,chòngmø, svngpò shí,kvnka shí,màup shí, shøng shírì,vyung mvkuq, tiyung, mvngaké mvshé, kvlángcvp,Mandvgashí nvng mvnga mvcheq, yarì íe.

             Góngté lvm rvt rà we vmlvmrì nø, sha angpvnpvn í we ka sha, nga sha,nvngwà sha,nvngwà nong,vno angpvnpvn,kàløm,noci, mvshøn hò màrì: gvzú nvng tì taqkení lúnshì we ngashicè, no dvchit (dofu)yarì íe. Nònggwøn vllvm rvt ràwe vmlvmrì nø,kí pvn í we kizø,chi,waqpà,lvgong, mvnvng dvká,zidòng,mok angpvnpvn, vyúng kení lúnshì we só angpvnpvn nvng dvngraqrì íe. Vmlvm shòrkung rèmù daqòke, záyvng vgámkéò we vmlvm pvnrì, góng télvm rvt rà we vmlvmrì, nònggwøn vllvm rvt ràwe vmlvm rì, shvngbē kømzøp dø dvgø ràē.                       

              Góng dvpvt vjú vl we vmlvm angpvn vshøm wál kømzøp dø vm èlú:nò nìnø èá:mò pvn vrvm cì dø í nø góng gø shiqshàn mvdvm nònggwøn kūngà vl wē íē. Wervt chøm døngkūmèlaí tiqchøm vsvngrì shvngbē shiqshànlvm rvt vmlvmrì rvwvn ràē. Ni vrvm vmlvmrì mà-gvtvp dø tiqni tiqpvn dvgø lún ràē.

Add new comment

1 + 0 =