"Vmè kaq vpø shàì"

"Vmè kaq vpø shàì"

"Cvmré yulgà hwāò we wu:rì nø mònggáng yachvng svng wvlpō lunòē" wa nø shønò we kà vlē. Yakà nø shøl shú shvlá í høq dvtøng dvtéò we nø angmè maqíe wa Kà íe.Angmemaq nø angcerì dvpvt rvtø zìò we, angmèmaq lúnshì lvm lòng chit Gū:rò nø angcerì télvm vhángvlúnlvm dvpvt dvzaq shi we íe. Angmèmaq shóngnønt rvt cvmrérì svng dvzit dvzà:ng we íe. Wervt angmemaqo shóngnønt svng vpø shvring laqlúnì. Angmè, angpè maqò angnì wanø Shvngømré kèní wáshì long nø àngcerì svng katvngte Shóngshi we svng dvdvm rønlvm rvt íe.

Angmèmaq nø nēí Yvngshi we Gvrayò muqlang dvzvrì íe.muqlàng dvzvrrì svng nøngmaqí mv-ya:ngi.Ini gø v-le wàlòng sháìē. Kvm gø Ka:mìē. Muqlàng dvzvrrì í nø nøngmaq svng eroq íē. Mà-kup mà-tvl dø èzø:mìē.ngvnshà wūr kèní shelu:tnìē. Wedø tiqdvchá shāgóng taq gø pà mv-sháò we cvmré tiqgø télvm rvt angmèmaqí nong dvcøqòe.shàá:mòè. Nømtuqtuq mø-i lvm rvt tì shølāòe. Angmemaqo Pøtpūm taq bøbøløm mvguqòe.mvku:k ngòē, mvrézāòē, Paqzí dvtéòē. Belaq latūn shvlá dvgwāòē. Cvmré we gø té lvm rvt angbvnli chut gū:rò nø chøm taq pònini vl nø dvzù: nò we íē. Angmè nønt taq cvmré we gø télvm, vhángvlúnlvm, shvlá lvm, paqzí shálvm Gvray kaq Vpø svrè we vsvng ílvm rvt wā shvrú:nge.ka:mè.

Angmèmaq nønt taq ngàce nø laq mà-shala ,Laq gvyaq shì laq mà-sha wawe nønt mà-vl.angmemaq nønt taq angcerì shvlá lvm dvpvt wa dvda: mòè. Lk,15:24 taq , rvgaqtøm taq vsvng tiqgøí Gvray nønt cànò nø shvlā we bvnlì wàò ni nø muqlang yvngø muqlàng dvzvrrì gø dvbù we boy washìē. Wedø tiqdvchá cvmré tiqgø nønt vdá lòng ninø angpè angmèmaq wā mvtaq, angrì angyàngrì shvngbē gø dvbùē. Tiqpvn vsvng shvngbe gø dvbù lvm vlē. Wervt vmèmaq svng Vpøí, shù:ng shāì, nønt shvlømì.Angcerì kàta kvt wa angmèmaq nønt shøm dvbùē, walòng svng dvdvmi.