vm vnt shiwe rvtxo tvra

Christu vdong taq shóngshxngwe pe me vnvmvchvng ri shvngbe kaqsvng pamvra. Deni tǻlún lvm mongka taqnx, ya shvlǻ vdong taq cvn vdu we Catholic shvngxré rio lenten season wawe vmpa vm vnvt shi nǿ vjú rxt shiwe rvtx dvrǻ nvng sing dǿ shǻ dvzvr mvyxnge. Catholic shvngxmré taq AD 300 nxnghǿq ,nǿng vrvm Paskaq zunboy svng ringdx wǻlún lvmdvpat, rvtx 40 nayi mx:íni (2)ní vníyaq vdeo góngnxnt mvsxn svng dvsxp shiyang:i. AD 400 nxng tuq rǻ:i dvgvp nx shansheŕwe lvbǻn vbi ni (Yesu svng tapmo angni), Yesu wargǻng mvdam shi we, shansher we lvbǻn pvngar ni nvng Yesu zupang móng ta vl we, shanshǻr we lvbǻn 6 ni ,(40)ni niyaq nxnt mvsxn dvzxp shilvm rvtnx shvngxm ré kení dvkvmyanga we svng shǻlún shie. AD 500 nvng 900nxng vdong taq vmpa vm vnat shi lvm dvngnvng sing dx mvdǿng mvdaq shalvm shvngxmré kení tvrǻ gvlya:nga. Vm aq vnatshiwe rvtx, tiqni taq vníbaq shvyǿmshi nx vmra e. Sha, nga, kalxm, nunga nungri vm mvdaq. Íni gx AD 900 nxng mepvng nx vm aq lvm ,dvrǻ ri kaq svng mvme shvyúm bxa nǿ Nunga nung, ngasha, kalxm ri vm lún shiwe svng shǻlún shie. AD 2000 nxng dvgvp nǿ vm vnat shi we rvtx , lvbǻn panga ni mǿ:í dǿ dvgǻ ni taq vm lún shie. Vm aq vnat shi we mvdam mvra ri mvwa lvm dvpvt téa shvngǿt dvtú we svng shǻlún shie. 1966 nxng February shvlǻ taqnx Sarabyin koqkvm John Paul II taq kení vm aq vnat shilvm dvrǻ ri svng língbxa we svng shǻlún shie. Tiqnxng dǿp taq ,lvbǻn panga ni vm aq vnat shilvm long svng nvrbǿa. Inigǿ vm aq vnvt shilvm rvtx nvmlat ni nvng lvbǻn bvnga ni Kangpe Yesu shiwe shansherwe lvbǻn pvnga ni taq nǿ mvdǿng mvdaq vm aq vnat shilvm dvpvt mvsat bǿa we ie. Vm aq vnat shiwe rvtx taq mvgam mashvla we mvra ri dvshel shi lún lvm dvpvt nvng nxnt mvsxn laqya língshi lvm dvpvt , Vkangpe Yesu nvng tiqdx vllun lvm dvpvt gvza vchyvk nge wa vkvme. Yalong vm aq vnat shi we rvtx taq 1. Vjú rxt dvzaq shira e. 2. Vm aq vnat shi ra e. 3. A lu ză:ng ra e. 1. V jú rxt shi ra e wawe taq, vm aq v nat shi nx v jú rxt dvzaq shilvm gvza v chyvk nge.Vde o pvlace chyutchǻng we jejú lúnlvm nxngun lu shi we ie. Wervt nǿ Noqngǿm tvra taq dvzaq shilvm, mongka rǿnǿ cvn shilvm , Yesu wurkǻng tvra svng dvdvm nǿ Rosary vjú rǿt shi nǿ pvlace nxngun lu shi lvm dvkvme. 2. Vm vnat shi rae wawe taq shagóng nvng nxnt mvsǿn vnvt shi dvzvr e. Shagóng v nat shie ..wawe taq gǿ vde wă meyǿlong ,vde nxnt svng mvcvn nx kangpe Yesu dvshǻmvhxt vhxm yanga wedvng dvdvmnǿ cúnshilún lvm dvpvt íe. 3. A lu zǻng ra e wawe taq,a lu zang shiwe nx v jú rxt shiwe nvng vpóngwe bvnli ie. vm v nat shi we rvtǿ taq dvsha mvhxt ri kaqsvng yǻng dvbang nx a lu zǻng rae. Yalong nx rvsvngcerio lvpvt taq ringwe Garayo mvréza shongnǿnt tóng laqya íe wanǿ dvkvme. Téwa vkangpe Yesu 40 ni 40 yaq vm aq vnat shi we rvtx svng dvdvm nǿ nǿnt líng shinǿ vwǻngshilvm rvtǿ gǿ íe. Vm vnat shi rvtx nǿ nǿngmaq nǿntmvsxn sipshi nx vm aq vyǻshi lvm, a lu za:ngnǿ vjúrǿt dvkǻng shilvm rvtǿ tiqlong gǿ íe.