Vmpà køt cøng taq zømdàng we dvrèrì taq kèní bvløng shvtcì wàlvm dang.

Vmpà køt cøng taq zømdàng we dvrèrì taq kèní bvløng shvtcì wàlvm dang. ‌

Vmpà køt cøng taq zømdàng we dvrèrì taq kèní bvløng shvtcì svng yòldø wàlvm dang svng dvmvn lvm íe. Shvngkà ta shøngnø:ngè shóngshøng we pè,mè vnvm, vchang maq dènì nø vmpà køt cøng taq

zømdàng we dvrèrì kèní lvngchà bvløng shvtcì svng kãdø walvm, kadø vjú vlwe dang nvngsing nø internet shvngkà tíyø taq kèní lálún bøngà we svng dvshvng lvm íe.

Nøngmaqò chøm vdòng taq kàt vmwe Kànyúng kànyàng rì, kàt vmwe sún wáng rì nvng nvmbøn rì dvpvt vmpà køt cøng taq zømdvng we dvre rì taq kèní lvngchà bvløng shvtcì po gønshú lvmdang svng

vrá shá dvzvr mvyø:nge. Shvlaq tì - Súnwáng, Kànyúng kànyàng rìnvng nvmpù nvmbàn zøm mang rìtaq Insect bvløng rì tuqráì ke, shvlaq (2) jò svng tì, tiq galan gønshú dá:ngí jóà:tna dang íe. Só - (10-13)

mm dángtè svng tì, tiq galan dángtè nvng gønshú dá:ngí jóãò ke bvløng anglùm rìhøq shìwe íe. Gòrò móng nvng gòrò mvshér - Gòro mòng tiq chvng nvng gòro mvshé tiq chvng svng taqrá angshī ratno nø

tì, tiq liter nvng gønshú da:ngí tiq, vní nayì dángtè gvrò. We mèpvng mvzàng angshì cvmaqcè nvng svpya angtì cvmaqcè záng dá:ngí Kànyúng kànyàng rìsvng jóà shvlà bøì we íe.

Vrá yèke dettà yvng svng gvlò we ínìnø tiq lebán dángtè vlé bøì kè jó shvlae. Svnúní-wàlvm tiq dang Svnún angshì kán 6 svng nvngwà sì 4-5 bvlín dángtè vrá dø gønshú dá:ngí tì 3 gàlàn dángtè ràm lvm íe.

We cì tì, tiq bvlín nvng svppyà tì tiq kì dángtè gønshú dá:ngí jó dàng íbøì we íe. Wàlvm (2)dàng Svnún 3 kán svng angshì rat dá:ngì tì (2) gàlàn taq (24) nàyì dángtè zø:ngò. We mèpvng tì (4) gvlàn nvng

gønshú dá:ngí jóãò nø shvlàe. Wàlvm (3) dang vmcøp (6) kán svng køt dá:ngí Svnún angshì (1) kán nvng gønshú lvm íe. Gønshú shaq Vmpà svng angchvng mvnvtò nø súnwáng rìtaq gvrlvm íe.

Koná, Súnwáng rìtaq cvrì dìlvm dvpvt waqhám shøngkoq rì cvqã ràe.( bvløng rì yv:ngò rvtø taq kèní bølut we rvtø høq 2-3 nì taq tiqbaq rvtø vrvm gvràe. Vmpà angchvng yvng vlwe bvløng rìsvng vmò we

càrì høq shìwe íe. Vjú vlwe dang-Bvløng rì svng kwànò we nvng svtnóe. Shøng rìtaq vchaqwe rìsvng gø dvbvn we íe.

​