"vpè svng oqā"

  "vpè svng oqā"

Dèni Døngku lvmvng tiqyø taq nø angpè angmèmaqò jèjúrì svng oqā wàwe Kà vgo vdòng "vpè svng oqā" wàwe dvzvng kà tiqgøm taqkèní shvring lvm íe.

Rvpdøng rvpwang zīlūngzì rø mv-zønshì we cvmrérì mongkà kèní shvngøt wē pvlàcè dāng tvrà shøl wē vpè svng oqā wvnge.

Tiqchøm Vsvng shvngbe rvt nvmsvr mvtú kèní nvmlē høq mvløng shøngkàngrì moqò ngungsì bè wē mvdø:mò vpè svng oqā wvngē.

Angcø angce vgàlvm rvt nārshì àngnī mvsháò rvmè lóngpūng vshū:lo ngace ngame shvwáò vpè svng oqā wvngē.

Lvpat bē gø mv-nønshì rø mv-tømshì we jèjúrì rvnaq vtvng we shóngnø:ntní cvm gø' té gø' mà-rvweng we vpè svng oqā wvngē.

Yalòng nø svrame mervmí vrùò dvzvng taqkèní shvring shì we íe.
Shvngbe svng oqā.