Vsak yang lúnlvm dvpvt cvnràwe 5 dang

Vsak yang lúnlvm dvpvt cvnràwe 5 dang

Cúnshàìwe lvpvt taq tiqmaqnø góngshiqshàn tvrà shvlanø lvpvt yangúng cúnshìlúnòe. Tiqmaq taq nø gôngshiqshvn tvrà màshvlanø lvpvt yangúng cúnshìmvlúnò. Lvpvt yangúng cúnshìvlún lvm dvpvt kadøíwe tvràrì cvnvdu emá?

Vsvng lvpvt yangúng cúnshìvlún lvmrvt yadø íwe cúnlúnshìwe dvlàrì svng cvnràwe svng shálúnshìe. Ám:aq pvn vbóng vtokdø va:aq ràe. Puqkè taq kèní jøkyùlwe ám:aq pvnrì svng ám ràe. Nøt pyodø vlràe. Tvrà díràe. Vjàng laqyà shvláràe.

Ám:aq pvn vbóng vtokdø va:aq ràe wawe taq ám:aq pvnsvng vdèsònge wanø chávle ám:aq mvdaq vdègóng puqwá nvng vdu vpóngdø vm:aq ràwe dang svng shálúnshìe.

Puqkè taq kèní jøkyùlwe ám:aq pvnrì svng ám:aq weí puqwaŕ dvshérshìwe dang taq manwe íe. Vsvng tiqgø taq puqwaŕ dvshérshìwe manlvm vchvk we ínø gvnjvt we, puqwaŕ dvshérshìwe mvman kvt kènínø vzàng kaq shiqshàn lvm dang nøtbùm lvm bønsháòe.

Nøt pyodø vlràe wawe taq nøt wawe nø vsvngtiq góng kaq svng øpwe írvtnø nøtza we nø góng zae wa dø tiq dvchá nøtbùmwe vsvng nø góngshiqshàn tvrà tínsháòwe dang, nøt mvpyowe taq lvpvt tø sháòwe svng shálúnshìe.a

Tvràdí ràe wawe taq vsvng shvngbeò shiqshàn lvm dvpvt ràwe góngmanshìwe tiqpvn íe. Tvràdi we Nx shvwi dvchangwe svng shvlawe ínø shiqshànwe dang vjúzi we íe.

jvng laqyà shvlá vlràe wawe taq tiqdvl vsvng kaq shvtwe, vsvngò dvrè køwe, vsvngò dvrèrì svng màdvrádø lushìwe, màshvlawe kàrì shønwe, nønggøp màyáshìwe, vkø vyá wanø vléshìwe, vsvng svma dvchvpnø vléshìwe yarìsvng vgámnø sherwe nøt mvsøn taq kèní shvdøngshìnø vĺsháshì lvm dangrì íe.mvdøngnø dvrá àngmè 10 taqkèní øplúnshìràe. Dvrá àngmè 10 dang kaqsvng cvndvgøm nø vlgø nø vsak yangún cúnshìlvm dvpvt vjúziwe dvrá tiqlòng íe wanø shálúnshìe.