Vsvng tiqgø vháng vlúnlvm rvt vl-rà we nønt,vjvnglaqya

Vpøí we Vnvmchvngmaq dèni nø, Vsvng tiqgø vháng vlúnlvm rvt vl-rà we nønt,vjvnglaqya tiqdòngce dvtit dvlé lvm íe.

Rvgaq yachvng taq shvla we nvng mà shvla we tiqdø vshúe. Vsvng tiqmaq nø shvla lòng taq zømshì nø ,vsvng tiqmaq nø mà-shvla lòng taq zømshìē. Shvla lòng taq zømshìrì nø vháng nø mvgame. mà-shvla lòng taq zømshìrì nø vcip nø dvshàe. Dvrvt è. Vsvng gø vrvm nø vháng mvyø'è. Vdá mvgàm mvyø'è. Nønt mvsøn vdòng taq mongzøl we nvng byowe Lun mvyø'è. Vsvng tiqgø vháng mèyø nìnø vháng lvm bvnlì taq zømshì ràe. vháng we bvnlì wa rì nvng vzøm ràe. Vháng we dvcírí nvng gø vzøm ràe. Vháng lvm mvtú tvràri gø vzvngkaq yv'ng lún ràe. Dvjaq lún ràe. Vháng lvm bvnlì taq mà-zing dø dvzaqshì ràe.

Vháng nø mèyø ke, vháng màshvla we bvnlíri taq èzømshì kèní nø kadvgvp gø vháng lvm mà-vl.Vdá lvm gø mà-vl. Vháng gø mèyø , vdá gø mèyø ke, bvnlì wá mèneshì kèní vdá mvgàm lvm mà-vl. Vdá mvgàm lvm tiqlòng nø døngmàn dø, Shansher dø bvnlì wá ràe. Døngmàn nø shansher we tiqgø svng nø vsvngrií kvmoe. Døngmàn nø nønt Shansher gø nø gvmsùng angpong vdá mv-rà. Døngmàn lòng nvng nønt Shansher Lu: ngí ría:tnò we svng yvnglún shie. Vsvng tiqgø í wàò bvnlìrì shvngbe svng vyv'ng gø yaqdøng gø, nvn nvn yàngo pè Gvray svng chvk èshábøò kvt nø, vsvng we gø taq døngmàn dø ,Shansher dø bvnlì wá mvyø we nønt zvngshì lòngè. Nønt mvsøn Shansher dø vl sháshì lòng nø Shvla we mvnggárì gvlshì we taq dvzaqshì lòngè, wa nø Nønt cu:n dvtøp paqzí vlri í dvtvnò we svng yvnglún shie. Wervt Lvpat vháng vlúnlvm rvt døngmàn dø Shansher dø bvnlì rì taq dvzøm shìnø dvzaqshì laqlúnì.