VYÙM KĒ WĒ MVSHØL

VYÙM KĒ WĒ MVSHØL

Tiq ni rvtø taq kaøcè tiq go nø shøngkàng mvcóng taq rung nø, "Vgo. ..Zvngrvt dvgogogo watca dvgogogo.. "wa nø gvzà byo dø yoshìe, wae. Yoshì we shøngni ka nø Jikuq Chèngvng goí tábøà wae. Dø ráì la:ngí Nøngrororigvk go ngam Wa tuq ráì nø, Chèngvng goí, "Dèni gvzà byo we shøngniídø yoshì we nø kagø dvng íe lé, "wa nø røt:nòe wa ninø, Nøngrororigvk go nø, "Ngà øngàe," wae wa. "Ó! íninø ló, yakvt gø tiq kvt èwa,"a:lòe wa ninø, É,yakvt nø dø ráì. Yaqdø:ngí wálvm laqí, tiqdø yøpshì," wae wa. Yaqdø:ngígø mvwá, "Gá zà:mí wàlvm íe, "wa nigø mvwa wa. Gá daqì kvt nø, Gónggilegvkgvk, " wa nø løm cle á: mì wa, wa mvshø:lò nølvnghùng mvngrùng kàí dàra ke ra dø hungyangi lvngnang nø shvrvaq lvnghùng hù:nge, vlyà:ngà.