St. Albert The Great

St. Albert the Great

Dikban paqzí vdèrì kaqsv̀ng roqgvrwe St. Albert the Great nø AD 1206 nǿng Germany móngdàn Lauingen taq mvgàm døngku tiqrvp kèní shøq yv̀ngà. Àngnø Dominican shvrúngshú zùng sv̀ng gòngyv̀ngì nø Gologni nvng Pari myuq rìtaq mònggv̀n paqzí cvnshì yv̀ngì wegø íe. Àngò dvzv́r rì taqkèní St. Thomas Aquenes gø tiqgø vbá yv̀ngì we íe.

St. Thomas nø bashàrì ò síngshá nøt kèní Gvray ò shø̀nran dvtànāwe dangrì svng kadøgø vgám mvlúnshì wawe dang svng St. Alber yv́ngkèní cvnshì lún yv̀ngà we íe. St. Albert nø bashàrì nvng singwe nvng Gvray tvrà dangrì taq dikban paqzí taq vtangshaq mvdaqwe ínø̀ vsvng shvngbe dvpaq shølshú svra (Universal Doctor) wanø bø̀ngshvng yv̀ngì wegø íe.

St. Albert nø àngò shvrúng shú mvdò taq shølshú nvng Rotisbon myuqò Svrado taqgǿ ku bv̀nlì rí yv̀ngìwe ínø̀ karu bokrì vruò we nvng vsvngrì kaq lèga paqzírì cvnā weí àngò làngdøm rvtø̀ nila høqshaq dvzaqshì yv̀ngì wegø íe.

St. Albert nø AD 1280 nǿng Cologne myuq taq lvpat béyv̀ngì.