St. Athanasius The Great

St. Athanasius The Great

St. Athanasius The Great nø Alexzander myuq kèní àngcè tiqpè gø íe. Àngnø gvzà bø̀ngshv̀ng yv̀ngì we rvcángcè tiqgǿ gø íyv̀:ngì. We wamà taqø mònggv̀n paqzí cvnshì nø vtangshaq mvdaq yv̀:ngì we tiqgǿ gø íyv̀:ngì. Àngnø cv̀m dvgvp kèní kàshǿn gø gvzà mvdaqwe tiqgǿ íe. 
Àngnø nøt mvsø̀n shèrwe mvtaq zitnøt rv́lnøtí zø̀ngwe tiqgǿ gø íe. 
St. Athanasius The Great àngnø shvrúngshú zùngmv̀ng lvpat taqø ni àng svng we shvrúngshú zùngøp pè ò bv̀nlì zǿmshú àngkàng tiqpè ku rvcà:ngò we vhǿm yv̀:ngà. AD 325 nǿng taq wà yv̀:ngà we Asia Mina Bidia, Nechel Council lìpùngmè rì taq gø àngkaq sv̀ng paqzí zíshú tiqgǿ ku dvzømshì yv̀:ngì. 
We lìpùngmè nøt vrá kàciq taqnø Arius svng dvdamnøt vléshì we vtóng kèní cv̀npè wanø mvsat yv̀:ngà. AD 328 àng lvpvt vsvk 31 nǿng vdòng àngò Svrado pè kaqsv̀ng Galerian gv̀mzø̀ koqkámpè taqkèní shvnip shvnvr:ònø lvpat bév́mì we rvtø̀ taq St. Athanasius The Great nø we wamàò Svrado bø̀n yv̀:ngì. 
St. Athanasius The Great àng lvpvt 46 nǿng rvtø̀ taq Arian mvdò ò móng lvmvng vjáng shìwe gø bung yv̀:ngì. Wedø móng lvmvng rìrvt St. Athanasius The Great àngkaq svng gø móngdàn vtáng sv̀ng 17 nøng døp lùng yv̀:ngà. Ínìgø àngtaqkèní shvngø̀mré nvng kámnøt tvrà, dvbùshv̀ng mòngkàrì svng dvshvngwe dang taq dvzaq dvkángshì yv̀:ngì wegø íe. Àngkaq svng vtùwe vsv̀ngrì kaqsvng gø St. Athanasius The Great tiqgǿ taqkèní vrá mvngan dvzaq shì yv̀:ngì. Àngnø lvpvt 76 nǿng taqni lvpat béyv̀:ngì.
St. Athanasius The Great àngí vru yv̀:ngàwe kàru rì taqkèní Yesu Kristu vsv̀ng góng dvchøp shìwe wawe kàru bok nø vtang kèní bø̀ngshv̀ng ráì wegø íe. Arian dvcìrì ò mvshǿlshøp wawe kàru bok ratnø gø àngkaq svng móngdàn vtáng svng 3 boq lùng yv̀:ngà wegø vhǿm yv̀:ngà nø we kàru bok svng nø Egypt móng rvgaq mvgóng móng taq vlwe rvtø̀ vru yv̀:ngà we íe.