St. Catherine of Genoa Widow

St. Catherine of Genoa Widow
St. Catherine of Genoa nø àng lvpat 60 nǿng taq àngpè àngmè maqí nøt vrá nø Julian Adono nvng
dø̀ngku shvzøng shìyv̀ngì. Àngtaqkèní dø̀ngku lvpat 10 nǿng vle bǿì wekvt Gvray àngò dvsháza shóngnøt
nvng shvdún mvlún shìwe mvkok nøt taq shvng shvng wa síngshá lúnwe jejú svng vto shì lún yv̀ngà.

AD
1497 nøng nvng 1501 nǿng høqshaq 6 nǿng døp Genoa myuq cìróng taqø vsv̀ng kaya bvlik yógø dvjáng í
shìwe rvtø̀ za vsv̀ngrì svng vcung dvzaq shì yv̀ngì wegø íe.
St. Catherine taqkèní rvcáng cèrì kámnøt tvrà svng dvtúa lúnwe kàru bok (2) bok svng gø vru yv̀ngà. We
kàru bok ni nø “Svmi móngdàn cè” nvng shagóng nvng pvlàcè vhøm we” wawe kà vgo taqkèní vru ráà
wegø íe. Wedø bø̀ngshv̀ng we àngò kàru bok rì rvt àngkaq svng “Svmi móngdàn ò” dvzv́r mè bø̀n tǿ
yv̀ngà.

St. Catherine shø̀n yv̀ngì wetaq “Svmi móngdàn taq vlwe pvlàcè rì nø àngmaq ò tvrà rì nvng tiqdá
vsv̀ngrì ò tvrà rì shvngbe svng mvcøng mvlúnò wervtnø̀ àngmaq nø Gvray ò kàngngé we vdòng taq
shv̀nshér we shóngnøt vlwe svmi vdòng vl we íe wanø vtàn ráà. Àngmaq ò lvpat taq vrá tiqkvt mvrà
wàlv́m tvrà mv-vl lvm wedø vjú lún lv́m tvrà rì gø wá mvlúnò wanø vtàn ráà we íe.