St. Cosmas nvng St. Damian

St. Cosmas nvng St. Damian

Cì paqzí vdèrì kaq roqgvr we shv̀nshér vsv̀ng St. Cosmas nvng St. Danian nø Arebian móngdàn kèní àngrácè ní íe. Àngní nø Seria móngdàn taq cì paqzí sv̀ng cvnshì bǿì mèpvng Cilicia rvgaq Agia myuq taq vl yv̀:ngì nø we rvgaqø gvzà kám vrvm we cì svra rì bø̀n yv̀:ngì wegø íe.

Àngnínvm nø àngní ò cì paqzí kèní vsv̀ngrì kaq dvzǿmāwe ínìgø we vsv̀ngrì taqkèní pà zìbè tiqpv̀ncè gø mvlushì nø dvsháza shóngnøt kèní wa dvzaqshì yv̀:ngì wegø íe. Wedø shvlawe nøt laqyàrì rat vsv̀ngrì nø kám vsv̀ngrì lvpat sv̀ng vpo ráì wegø íe.

AD 283 nǿng Diocletion dvcì rìí dvki vrè we taq àngnínvm nø vgo tutnò nø shat vhǿm yv̀ngà. We rvtø taq móng vsv̀ngrì taqkèní àngmaq taq zø̀nli dvjángrì zøm rawe rvtø̀ taqnø àngní ò jejú kèní nvmik gømla dvtanāwe íe wanø vtoshì yv̀ngì wegø íe.

Tiqkvt kvt za vsv̀ngrì ò yøpnv́ngrì taqgø dvtánshì ranø̀ àngmaq kaqsv̀ng cìrì shøngran kèní dvtanā we gø vlyv̀ngì we íe. Wedø íwe taq Gv̀mzø̀ koqkámpè Justinian gø vbá yv̀ngì we íe.

Weratnø Roma taq àngní svng dvgùng shvring we ku kèní chø̀m tø̀ngnø tiqchø̀m svnggø vrangā yv̀ngà wegø íe.

Add new comment

6 + 6 =