St. Julius (I)

St. Julius (I)

St. Julius (I) nø Roma dvcì kèní tiqgǿ íe. AD 337 nǿng taq Shvngø̀mré mè taqkèní rvcv̀ngò nø (15) nǿng døp shvngø̀mré svng øpshøl ráà we Svrabín koqkám (Confessor) tiqgǿ gø íyv̀ngì. Arian nvng St. Atanatius vzi vrùng wawe rvtø̀ taqgø àng taqkèní shvrv́m shvráā yv̀ngà we tiqgǿ gø íe. AD 335 nǿng Arian dvcì rì taqkèní àngkaq svng Treves wamà svng lù:ng yv̀:ngà. Ínìgø Constantin (II) nø Alexanda myuq svng AD 337 nǿng taq we shvrà kèní vtáng lv́m vkáng zíyv̀ngà.

Wedø íwe shìwvt rì dvhø̀ taq St. Julius taqkèní we móng vsv̀ngrì kaq shóngnøt kèní shvla we laqyà rì dvtanò we vdòng taq mèpvng taqnø vrv́m vrá lúnwe mvtú svng gø vrangā lún ráà wegø íe. St. Atanatius nvng St. Julius (I) níò shvla we shøshú tvrà laqyà shvlá rì rvt àngní nø nv̀mløp móngdàn rì taq vtang kèní bø̀ngshv̀ng ráì we shvnshér vsv̀ng gø íe.