St. Lucia

St. Lucia
Nemvnrì svng roqgvr we St. Lucia nø 3 àngyá mvzuq nøng vdòng Italy móngdàn Syracuse wamà taq dvgùng vlwe døngku tiqrvp taqkèní gvlyàngà. Cvmré lvpat kèní àngnø kàngpè yesu svng mvyøn kámnøt:í apnúngshì we nvng àng tiqgóng svnggø vtangshaq vpø shvring shìwe tiqgø gø íe. 
Syracuse wamà taq vlwe gòchàng tiqpè nø Lucia svng shóngshì ráì we ínìgø St. Lucia í vtiqā werat wepènø vtangshaq shvmná mvgør vmì weí Lucia nø mvyø:ní Yesu kaq kám vsvng tiqgø íwe svng vchyàng yàngà. We rvtø AD 304 nøng taqnø Diocletian Christian vsvngrì kaq dvki vrè wàò we rvtø gø íe. 
Wedø Lucia ò kámnøt tvrà svng nøt vyuqā lúnlvm dvpat dvrá vjì rìí àngsvng góng nvmvmwe vsvngrì nvng gónggwá màdá vl dvzvŕ lvm dvkám:òe. Ínìgø gvray í àngsvng nøt mà vtøp lvm jejú kù:ngà zíò werat we dvløt gvzàmwe tvrà svng jórlún yà:ngà. We mèpvng vrá Lucia svng svmií wvrlvm dvkángshì we ínìgø wvr mvlún yà:ngò. Weratnø cèl rìnø vtang kèní shvná vsornø Lucia ò vne svng yaqò nø kù:ringā yà:ngà. Ínìgø da lvm dø íwe gvray ò nvmik gømla nø àng taq tuq ráì nø Lucia nø vzàng kèní téwa vnvp we tiqgø bøn lú:ngì. Làngdøm taqnø St. Lucia ò naqtú svng shv:mí yaqò nø shvt yàngà. Wervtø taqkèní Lucia nø gvzà bøngte we Kámnøt shvre tiqgø bøn yàngì.