St. Madard

St. Madard
St. Madard nø AD 530 nǿng France móngdàn nv̀msvr lvpø Bamin Svrado ò wur taq shvrúngshú vya svng kámshì yv̀ngì. Àngnø nøt mvsø̀n shv̀nshér we vsv̀ng tiqgǿ gø íe. Àngò wama taqnø vsv̀ng shvngbeí vlǿmvm vrvmwe vsvng tiqgǿ gø íe. Àngnø AD 530 nǿng taq svrado tiqgǿ bø̀n ráì.

Mvjàn svng vtoò we Babarian Norremen rìrat àngò shvrúngshú kùlwàng svng Nuyu taqø waò nø rung vdu yv̀ngì. We rvgaq kèní Belgium móng høqshaq Sasvna svng øpkáng dvzaqshì ráì wegø íe. We rvtø kèní we Sasvna 2 lòng nø 600 nǿng rvzé høqshaq vzø̀m ráì wegø íe. 
Àngtaqkèní cáng noqwe vsv̀ngrì kaqsvng gø dvbùshv̀ng mòngkà gálòng svng dvtānā ráà wegø íe. St. Madard nø dvsháza shóngnøt zø̀ngwe tiqgǿ gø íyv̀ngì. Àng shagóng mvshiqshàn nø yøprà taq vyel we rvtø̀ rì taqgø Gv̀mzø̀ koqkámpè Kalodere í vzùng yv̀ngà.

Gv̀mzø̀ koqkámpè nø àngò vléshì we mvràrì shvngbe svng St. Madard yv́ngø vroqshì we wáshìe. 
France dvcìrì taqkèní St. Madard nø Gvray yv́ngkèní ìshøt jejú vtoshì lún pè wanø gø kámwe íe. Àngò bóy àngni taq shøzaq longwe ínìnø 40 ni høqshaq shøzaqe wanø gø kám nø vtoò we íe. Àngò bat taq svmaré rì kaqsvng gø vpǿ shvring shálv́m vtóng svng shvngøt dvtú ráà wegø íe.

Wedø Svmarérì dvpat nǿngni nǿng vrv̀m bóy àngni rì wáāò nø shvringò we yv́ng kèní wemóngò svmaré rìò vgo taq nv̀mbvn shémo gwashìwe vtóng gø bø̀nráì we íe.