St. Matthias

St. Matthias
St. Matthias ò mvshǿl svng dvzv́rrì lèga 1 tut taq yv́nglún shìe. Jodan tì taq tìløp kámshì nø Yesu mèpvng svng cv̀nwe tiqgǿ gø íe. St. Matthias àngkaq svng Yuda Isgarude mv-vl bǿì mèpvng Yesu muqlàng svng loá:mì mèpvng dvzv́rrì ò shvrà taq tvle záng yv̀ngà we íe. 
Welòng nø dvzv́rrì (12) gømhøq rvcà:ngò we gø íe. Werì taqkèní Barnabas svng nø mà rvcàng yv̀ngò. Dvzv́rrì 1:23-26 Wekvt angmaqí nø, Yustu dvcì Barsaba, wa tǿò we Yosep nvng Matiya svng gā:nòe.

24-25 Wekvt angmaqí jurø:tnò nø yadø wae. “Vkàngpèá, vsvng í dv́ngte nøt mvsø̀n vsháshaq pèá, Yuda nø ang v́lrà svng lōlv́m gurshi ráì we dvzø̄m bv̀nlì nvng dvzv́r bv̀nlì vyā yalòng taq, tvlē wáshìlv́m dvpvt yapèní taqkèní, nàí rècà:ngò pè dètánā daqshà,” wae. p

26 Wekvt angni dvpvt angmaqí shvwøn dóò nìnø, Matiya svng lut bǿà nø, ang gø dvzv́r we tiqcé tiq pè taq vbáá:mì. Wanø̀ yv́nglún shìe.
Àngnø Eudias nvng Ediubia taq Gvray dvbùshvng mòngkà dvshvngwe bv̀nlì taq dvzaqshì ráì wegø íe.

Àngnø Jerusalem taqø vgo tutnò nø shvtnò we vhǿm yv̀ngà. 
St. Matthias àngkaq svng nø laqtun dvcewe vsvng, shǿngkøm rvmøshúrì nvng vrùra pv̀n á:m-aqwe yv́ngkèní lutshì tvrà lawe vsvngrì kaq roqgvr dvbangāwe shv̀nshér vsv̀ng wanø̀ bø̀ngshvng wegø íe.