St. Matthias

St. Matthias

St. Matthias àngò lvpat mvshǿl rìsvng nø dvzv́r rìò kàru, mòngkà rì taq yv́nglún shìwe gø íe. Àngnø Yodan tì taq tìløp kámshì bǿì we mèpvng Yesu mèpvng svng cvn yv̀:ngì we íe.

Yuda Iskarute mv-vl bǿì mèpvng dvzv́rrì í Yesu muqlàng svng loá:mì mèpvng tvle láò nø vbálú:ngì. Wedang nvng singnø̀ dvzv́rrì 1:23-26 taq "Wekvt angmaqí nø, Yustu dvcì Barsaba, wa tǿò we Yosep nvng Matiya svng gā:nòe. 24-25 Wekvt angmaqí jurø:tnò nø yadø wae. “Vkàngpèá, vsvng í dv́ngte nøt mvsø̀n vsháshaq pèá, Yuda nø ang v́lrà svng lōlv́m gurshi ráì we dvzø̄m bv̀nlì nvng dvzv́r bv̀nlì vyā yalòng taq, tvlē wáshìlv́m dvpvt yapèní taqkèní, nàí rècà:ngò pè dètánā daqshà,” wae. p 26 Wekvt angni dvpvt angmaqí shvwøn dóò nìnø, Matiya svng lut bǿà nø, ang gø dvzv́r we tiqcé tiq pè taq vbáá:mì." wanø vru yv̀:ngà we svng yv́nglún shìe.

St. Matthias àngnø Udíyá nvng Etiyubíyá móng rì taq Gvray dvbùshvng mòngkà dvshvng yv̀ngà nø Jerusalem wamà taqø vgo tutnò nø̀ shvt vhǿm yv̀:ngà.

St. Matthias àng kaqsvng nø laqtun dvce we vsv̀ngrì, shǿngkøm rvmø shúrì nvng vrù rapv̀n shìwvt dǿng kèní lutshìlv́m dvkángshì we vsv̀ngrì dvpvt vlǿmrà tiqgǿ shv̀nshér vsv̀ng wanø mvsat shìwe gø íe.