St. Philip (Apostle)

St. Philip
St. Philip àngnø Jenazaret tìnúng shvnvng Besáydá myuq taq gv̀lyv̀ngà. Àngnø Yesu kristu ò mèpvng cv̀nwe nv̀mlat mvdò taq vbá yv̀ngì we tiqgǿ gø íe. Wervtø̀ taq àngnø dø̀ngku nvng vlwe dvzv́r tiqgǿ gø íyv̀ngì nø àngcèrì gø vdáwe íe. 
Àng taqkèní Meshíá chángkàngpè svng yv̀ngbǿà wechàng vtangkèní dvbùnøtí àng rvmnvngrì kaq shǿn vtànòe. Moshiò dvrárì nvng kàdvtutshú rìí shø̀nráà kàrì vhøm lú:ngì Nazaret pè Yesu Meshíá svng nøngmaqí yv̀ngbǿshà wanø dvbùnøtí vkiqe. Àng rv̀mnvngpè Nadanael í Philip kaqsvng Nazaret taq shvlawe tvràrì bunglonge má wanø røtnòe. 
Wekvt Philipí mèkám we ínìnø ngàyv́ng ècv̀nlong nø èyv̀ngvtnò wanø Kristu yv́ngsvng shølvtnà. We dvgvpkèní àngní lvngà Kristu mèpvng cvnwe vsvng bø̀n yv̀ngì.
Mvshǿlrì taq vru yv̀ngà wenø Philip nø Asia Mina rvgaq svng dinø Gvray mòngkà dvshvng yv̀ngà wanø yv́nglún shìe. Àngnvng tiqdø shv̀nshér we àngsè tiqmè gø vbáe wanø yv́ngshìe. Àngnø Kristu dvpvt kámnøt tvrà taqni Hirvboli myuq Frijá rvgaq taq lvpat zíshì yv̀ngì.