Carmel koqkámè

Carmel koqkámè

Carmel koqkámè nø Israel móngdàn taq vlwe tìnúng mvshé shvnvngø wayàngàwe carmelite doraq zùng nvng doraq mvdòrì svng roqgvr we tiqmè íe wae. Kà dvtutshú eliá vl dvgvp BC 850 dvgvp kèní welòng carmel shìgùng nø shanshvŕwe shvrà Gvray kaq vsvngrì kámnøt gømla wanø dvkám yàngà we íe.

We shvràtaq kàdvtutshú eliáí bel cáng koqkámpè mvdàmø Gvray gvsvngnø téwa ngór dvgùng vlwe svng Israel vsvngrì kaq dvtan yàngà we íe. AD 1150 nøng taq nø st. Belton taq kèní gamel lóngbuq svng wa yàngà mèpvng we shvrà taq ám vnatshìnø dvrá shvdøkshì ràwe dvrárì svng gvlyàngà.

Cruise mvjàn dáng bøa mèpvng st. Simoní weshvrà svng dvbùshvng bvnlì wanø røtvmwe doraq mvdòrì vl lvm wa yàngà. 16 yasuq tuq ráì dvgvp nø st. Simonò calced Carmelites mvdò nvng st. John íshølòwe Discalced Carmelites wanø 2 mvdò gvránshì yàngì.

Carmelites dvbùshvng wawe svmaré mvdò 16 yazuq taq st. Treasaí poqpvng yàngà we íe. Welòng Carmelites mvdò svng carmel koqkámèí shøngran zíòwe taq kèní boqpvngshìwe íe wae. AD 1251 nøng July 16 ni taq carmel koqkámè nø England móng Cambridge taq vlwe Carmelites mvdòò shølshú tiqgø íwe st. Ciren stoke taq dvtánshìyàngì. Weni svng shanshvŕwe Carmel koqkámè àngni wanø Europe móngkøp vsher yàngìwe íe

Add new comment

11 + 6 =