Conversion of St. Paul

Dvzvŕ polo jàng laqyà vlíng vpo shìwe bóy angni

Dvzvŕ polo nø Durvgi móngdàn, Dashuq myuq taq Yudaq dvcìrìò kámnøt tvrà svng cvnwe àngpè ní àngmè taqkèní gvl yàngà. Àngnø Romaq móng vsvng tiqgø ku gvl yàngà we íe. Àng mònggvn paqzí cvnshì we taq Jerusalem taq poqòwe gamvláyá zùng íwe Farishi rìò tóng dvrá vdòng taq cvnshì yàngì.

Àngnø Yudaq dvcìrìò tóng dvrá taq zøm shvngángshì we tiqgø ínø St. Steven svng lóngí wvpmò nø shvtnò we taq gø vbá yàngì we mvtaq gvray kaq kám vsvngrì svng dvki vrè we ngàshà mvdò taq dvbá shì yàngì we íe. We rvtø nila taq Damascus taq vlwe Christian vsvngrì svng tvpmò nø Jerusalem kaq ngang ráì.

Damascus myuq svng tuq níshì ráì we tvrà rvm vyáng nvmjàng rvtø muqlàng kèní tuqráì we gálòng shórwe tiqlòng àng shvnvngø tuqráì weí dvzvŕ polo kóng vjú:pámì. Wedang nvng singnø dvzvŕrì 9:4-6 taq ang nø vba tø̀m svng kǿng vkupmá:mì ke, ang svng, “Soloá, Soloá, nà nø pàwálv́m Ngà svng nàréshìe ma?” wa nø shø̀n daqì we kà tiq lòng tá bǿà.

5 Wekvt a:ngí, “Vkàngpèá, nà nø kagǿ èíe ma?” a:lòe. A:ngí, “Ngà nø nàí narèngà pè Yesu ǿngàe. d 6 Iwe, èbúng nø, wamà svng ègòngvm; wekvt nàí wá rà lòng mvtú dètávt we vsvng v̄le,” a:lòe. Ang nvng tiqdø dìá:mì rìí nø, kà nø táò nìgø, pà vsvng gø mvyà:ngò rvtnø, ádádv̀ng wa ripme.

8 Solo nø, vba tø̀m kèní kungshì lú:ngì nø, vne gv́r nìnø, kapà gø mvyv̀ng bǿà. Vsa:ngí lè ang wur kèní zø̀:mò nø, Damasku svng shøl bǿà. 9 Ang nø vshø̀m ni vne mvyv́ngshi nø, v́m gø màvm, aq gø màaq v̄le. Wekvt Anania dìá:mì nø, wechø̀m svng gòngá:mì kvt, ang mvdv̀mø wur hapshì sórí, “Vnvmpè Soloé, nà vne èyv̄ngshi long nø, Shànshér Pvlàcè dv̀nzø̀ng lúnlv́m rvt, nà èdi ráì we tvrà taq nà svng dvtánshì daqì pè Vkàng Yesuí ngà svng dèzv́rvtnà,” a:lòe.

18 Wela:ngí ni ang vne taqkèní angcipcè dø í we tøq vjáá:mì nø, ang vneí rá yv̀ng lú:ngà. Wekvt ang búng nø, tìløp lún bǿà kvt, 19 v́mpà vm bǿì nìnø ang shaq nònggùn v̀l lú:ngì. Ang nø Damaskuø vl we rvcv́ngcèrì nvng mvme ni v̄le.