Lude myoqò koqkám mè

Lude myoqò koqkám mè
St. Benethet Survires nø France móngdàn Lude myuq taq 1844 nøng dvshà we døngku tiqrap taqkèní gvl yàngà. 1858 nøng February 11 ni taq àng rvmnvng 2 gø nvng the gave river svng shøng lá nvng dì á:mì. Masavil lóngbuq svng tuq ráì kvt Benethet svng gvlò nø rvmnvng mèní wa vtshì á:mì wae. We kvt chvn vnán nvmbøng mvrùmè møt ráìnø we lóngbuq taq gálòngí shór ráì wae. We kvt Benethet àngí mvdàm svng dvjaq ò nìnø mùngwe gónggwá mvdàm gwìngwe cvmbaní chuq dvchiq shìnø wurtaq Rosary lángshì we gvzà vnvp we svmaré tiqmè rip ráì we svng yàng bøà.
We kvt Benethet nø vtang shaq svrenø vnán bøì, we làng:íni we mùngnø vnvpwe svmaré mèí àngsvng vhøshì we mvrshømí àngnvng tiqdø Rosary vjúrøt shì lvm vraòe wae.
3 ni vle vmì mèpvng tiqkvt vrá we shvrà lóngbuq svng Benethet àng vtángá:mì ninø todøni we mùngnø vnvpwe svmaré mè gø vtánshì ráì wae. We kvt Benethet svng we svmaré mèí dvkám kà shønwe taq we shvrà taq ni Benethet àngsvng 6 boq høqshaq dìlvm, mvrà vlwe vsvngrì kaq vjúrøtā lvm dvpat we shvrà taq noqngøm chøm tiqlòng wáā ràwe dang shvrúng shú rì svng dvkám lvm dang lvp shìe wae.
Wewa mvtaq we shvnvngø vyøwe tìcèwàng taqkèní tì aqwe taqkèní gø dalvm dø íwe vjúrì vtoshì lúnlvm íwe svng dvkám yàngà. We ratnø Benethet nø we shvrà svng 15 boq høqshaq dinø vsvng loksukrì nvng yàng ámà we ínìgø we vsvngrì taqkèní nø shøngran jejú pà tiqpvn gø mvlúnò wae. Benethetí we svmaré mè àngbøng svng røtnò kvt àngnø chømyo vjøng góngshang mví we kaq vtoshì we koqkámmè ønge wanø vtàn yàngà.
1866 nøng taq Benethet nø Nevas myuq taq vlwe dvsháza sister zùng svng gòng yàngì. 
We yángø àngnvng tiqdø vlwe rvmnvngrì taqkèní gø àngò cipshì we nøt mvsøn kaq gvzàni vpø shvring we vhøm yàngà. Tiqni taq rvmnvngrì taqkèní Benethet svng we koqkám mèí kapà shøngranrì zíò we dang røtnò kvt àngshøn we nø " ngà nø dvtøl svng shømò we chømshøm døni èlánge. Chømshøm dáng bøò kvt we chømshøm nø bángkà tonglvpmø wa gvlòe wanø nàtàne wa shønòe. 
Benethet àngnø 1879 vsvk 35 nøng taq Rosary vjúrøt shì we tiq rvtø taqni lvpat béyàngì. 
1980 nøng taqnø àngò shagóng vnvng nø mvbøb mvtin we mvtaq lànggá mvrshømí vlwe svng yángshì we taq àngnø muqlàng móngdàn taq nvmpu cèdø vnvpnø wvtwe tiqmè íe wanø vhú á:mì. 
1933 nøng Svrabín koqkám Pious 12 pè bat taq àng svng shànshér vsvng tiqmè wanø mvsat shì yàngì. 
Lourdes lóngbuq we shvrà nø dèni høqshaq gvzà bøngshvng we mvtaq we shvnvng vyøwe tì aq vsvngrì taq gø dalvm dø íwe pvlàcè kùngàrì vtoshì lúngò we írat nøng vrvm mònggvn vsvngrì gvzà vse nø jejú lushì we shvrà tiqlòng ni íráì.