Pope St. Gregory VII

Pope Gregory 7 St. Pope Gregory 7 nø AD 1028 nøng taq Italy móngdàn Tuscany myoq taq gvlyàngà.

Aventine taq vl we St. Mary taq paqzí cvnshì yàngì we íe. AD 1073 nøng vsvng shangbe nønt vrá weí Pope Gregory 7 nø Svrabín koqkám bøn bøì. We mèpvng àngnø shvngømré vdòng shvla dø vlíng vpolvm dvng taq dvzaq shìlúngì. AD 1075 nøng shvrúng shúrìò zupùng gvbà taq Gvray tvrà nvng mado we tóng laqyàrì gol lvm dvkám jàngà.

We dvng nvng singnø Germany múngdànrìò koqkámpè Hennery 7 pènvng nøng mará nø vzøng yàngì. AD 1077 nøng taq Svrabín koqkámpè Gregory nvng Hennery koqkámpè àngní dvhø vrám vrábøì we ínigø AD 1084 nøngtaq Henry koqkámpèò cèlrì Roma svng gvsvt lvm búng:ámì dvgvp Svrabín koqkámpè St. Gregory 7 svng Saleno taq yvlshìnø vl lvm dvzvŕ bøà we taqkèní vrá tiqkvt nønt marám lvm bøn bøi.

Svrabín koqkámpè St. Gregory nø Saleno taq vlwe rvtø AD 1085 nøng taq gønshaq béyàngì. St. Gregory í àngò gønshaq shimvbe dvgvp àngò ngànshàrì svng mvra vroqa yàngà. Àng shønyàngì we taq ngànø ngànø vdu vbóng we dvng svng shóngshøng nø mvgam màshvla we bvnlìrì svng vgámò we írvt nø móngdàn vtáng lvpmø vl ràwe íe wa shønyàngì.