ShanSher we vsvng tiq gø íwe St.Catherine

svmaré mvdó kéní ShanSher we vsvng tiq gø íwe St.Catherine nø AD 1347 nøng Etali mong,စီယာနားmyo taq gvzà Vdá mvga:m we døngkú tiq lóng taq kéní gvl yvngà we tiq mè íe.Gvtdvríng ang lvpat(6)nøng dvgvp Hkristu dvtvn shí we yvngó nø Anglvpat shvngbé Gvray kaq a:p nóng shí yvngì.Vsak (12) nøng høq a:t nà dvgvp Anglvpat taq døngkú shvzøng shílvm dvlé Gvray mongdan dvpvt tiqgóng shvbéng a:p nóng shí nø dvzøm shú Wa shílvm rvt Angpè angmè ni kaq røt shí yvngì. 1365 nøng taq St,Domvnìq Gvray dvzøm shú tiq mvdó svng góng nø vm aq vnvt shí we í, dvshàrí kaq vjúrøt dvpvng we tvrà taq gvzà dvzaq shí yangì. Catherine Anglvpat taq Ca:ngí dvlík we gø shaqcvm lvm mvmè vhøm yvnga.Tiq ní rvtø taq Catherine,Oh..Gvray gvsangí dvshá mvhøt vhømó rvtø kangpè nø nga shvnangø jøngjøng evl ma? Wa nø vjú røt shí è.Wekvt Gvray shøn we taq, Ngacéā shaq mècvm ní Na shvnangø rvtø vrvm vlé Ngaó jór nóng gún póngpvng jéjú vdòngø nónggun lúshí lèlúnò Wa dvka:m yangà. 1366 nøng taq Ziyānà Myo , Noq ngøm chøm vdòng vjúrøt shí dvgvp Hkristu angmè Mari nvng Muqlang dvzvr tiq mvdò nø ang shvnang hwangó nø ríp lóngì.Mari í ang wur zømó nø Yesu kaq dvnú dvzvró è.Wekvt Yesu í Catherine wur zømò nø လက်စွပ် dvchøp màóè. Ya lóng pvlace Wurdvzøm Shangkà nø Gvray dvzømshú bvnlí taq Vsvng mvméí tábøà we, shvnga:mí we kømlà tiq lóng íyang ì. 1375 nøng taq ပီဆာမြို့ taq vl we ခရစ်စတီနားNoq ngøm chøm yvng vjúrøt shí dvgvp Kangpé yesu dvshà mvhøt vhøm yangà we dang svng gø, dvtvn we yvnglún yangà.ang lvpat taq dvshà mvhøt vhømó ri,zá yàng angpvn pvn vhømó rí kaq dvzøm we bvnli gø mvmé Wa yvngà.mvdøng mvman dø vtú we gø mvmé vhøm yanga.Vsvng tiq gø lvpat taq Shágóng nvng pvlace vháng vlún lvm dang nvng sing dø paqzí zí we karú bok gø (400)dvngté vrú yanga .Catherine ang vpat (33)nøng taq Gvray vdòngø màvl yvngì.Vsvng mvmé í vpøó nø shvrīng we mvdvm Shvngømré kénī gø angó jórnónggun rí nvng Gvray dvzøm bvnli rí taq kéní shvgunó nø SHANSher we Vsvng wanø, dáng yá:ngà we tiqmé íè.