Shansherme.Elispat

Shansherme.Elispath

Aràgon koqkvm,cemeí we Thantaelispat nø Spain móngdvn Saragossa Myo taqø shøq yvnga.Angnø (12) nøng dvgvp Podugi koqkvm tinnies nvng wurdvzøm shibøí mepvng lvngàshvdvng Alfonso nvng constin nì vdá yvngì. weme Cepshinønt kvmnønt ni, dvzaq dvgvngshi, vjúrøtlòngí mvrà vdòngø vl we døngkupèò laqyà lvpat svng gø vlíngvpo dvzvr yvnga.weme nø nìvram vmaq tvmúbvnlíri taq zitnøt vl nø,vtoq-vtip we tvràri taq gø cepshinønt vl mvdvm dvshàhoqíri vsvng gø dvpvnglún yvnga.vjúrøt zaqle mvdòri dvpvt vlvm shvrà dvgøā we,móngdvn vdòng vl zvmaréri dvpvt shvzøngshìlvm dvreri dvpvng we bvnlíri nø, angò døngjà tiqlòng dø íāyvnga. vzivrung wa we bvnlíri mvmè svng gø shøna we, dvpvng we,zitnøntri rvt ang svng "mongzøllòng svng rvmølmè" wa bøng shvríng yvnga. Angò døngkupè nvng angsvng lvknak làngnø, vdùvrè we Alfonsokaq svng gø vrà tiqkvt shvram shvrà we,bvnlíri wa lunò we nø anglvpat taq tévtvng jórlun we tiqlòn i yvngì. Elispath nø ang døngkùpè màvl a:mi mèpvng AD.1325 nøng taqø st.francis ò svsana vshøm mvdò wa mvdò svng gònga:mi nø st.thangvleā zóng taq nvlshiyvngì.Angnø 1325 nøng taqø Estremozò døngku banchvtri bølāwe bvnlí rvt día:mì tvrà taq Shi yvngì. Wervt Angò dvsháshà nønt,dìngmvn lòng,mongzøl lòng svng shvrúng we kvmnønt,shòngnøt svng vpø shvríng we dang ìe.