Shansherpe.Henry

Shansherpe.Henry

Jvmvni koqkvm vnipè wa pè st. Henry nø AD.973 nøng taqø shøq yangà Radísbùn ò svradó Shansherpe..Wutgvn ínø angsvng rvzvngceriò kvmnønt tvrà,Gvray mongkà dvràrí nvng sing dø cvnā yangà.Shansherpe.henry nø vsvk(30) nøng dvgvp àngnvm vdù we vshømpè wa pè íwe Oqdù koqkvmò vyà yvng vtòshìlúnò nø (12)nøng dvngtè ílòngí dvgvp nònggùn vl we Inpera  wa svrabyin koqkvm (8)pè wa pèí shémo zíò nø koqkvm dvng yangà. St.Henry nø Kvmnønt tvrà taq dvzaq shì nø kvmnønt vlpèí dø tiq dvchá Shvngømré vhvngvlúnlvm rvt nònggùn zì nø dvbùshang bvnlíri,dvsháza we bvnlíri mvmè wa lvm rvt gø nvmlat àngké pa:ngà we bvnlíri gø wa yangà.àngnø Doraq bøn mvyø nø Pādon taq vl we Doraq mvdò svng gòng lvm rvt vming vkvngrøt shì ni gø Doraq vgòpèí àng svng nàtòshi bø i we kàciq kení móngdvn øpkvng we bvnlíri taq cvndvtut dvzaq shìlvmmvng nònggùn zìò nø dvkvm yangà."rvgaqtøm nvng singdø øpkvnglvm vkoqvkvng nø Vsvng mvmè mongzøl dø vl lúnlvm rvt gvrayí talínzi we gønpaq íe" wa singlò:nga rvt àngò mónglvmvng bvnli døngjàri yvngø cvpnønt,vpnóng shì nønt ,kvmnøntrí taq kení dvzaq shì yangì.Hinneri nø AD.1024 nøng dvgvp angcø angce màdá Shi yangì rvt Jvmvni móng Hinneriò koqkvmdvcírí taq kení Lvngdøm Koqkvmpè gø í yangì.