shvnshvrwe vsvng St. Bernardine

St. Bernardine Saint Bernardine nø AD 1380 nøng Italy móngdàn Massa Marittima taq gvlyàngà.

Cvmré lvpvt taq kèní àngpè ní àngmè mvl yàngì we ínø àngsømè ídvkømò we vdòngtaq noqshì dvng nvng mòngàn paqzí cvnshì yàngì. Gvray paqzí cvnshì we taq St. Francis dòraq mvdò taq 12 nøng høq Gvray paqzí nvng mòngàn paqzí cvnshì bøì mepvng Italy móngdàn taq dvbùshvng mùngkà dvshvng nø shvkse wáshì lvm dvzvŕ bøa. Àngò dvbùshvng dvshvng we bvnlìrì taq gvzà dvzaq shì we í rvsángcèrì taq kèní gø gvzà vlømámòe. St. Bernardine taq kèní noqngøm rvtø taq lángshì we I.H.S Hominun Salvtor Yesu nø bashàrì svng chutcháng shú lachøm svng vroò nø láng pvngyàngà.

St. Bernardine svng shvngømrérìí svrado vya kámshìlvm gvzà dvkámò we ínìgø dvbùshvngkà dvshvngò we dvng taq dvtut dvzaqshì lún lvm dvpvt àngí matoò. AD 1430 nøng taq nø St. Francis doraq mvdòò shvlshú vgo Vicar General bønlúngì. Àngnø shvngøré vdòng taq shvngøt shú tiqpè íwe mvtaq shvngømré vdòngtaq Canon Law uqpvdi svng cvnshìnø láng lvm dvkám yàngà. St. Bernardine nø AD 1444 nøng taq gønshaq béám:ì nø we mèpvng 6 nøng vdòng taq shvnshvŕ vsvng dvng yàngà.