St. Augustine (Canterbury)

St. Augustine

Shvnshvŕ pè st. Augustine nø Canterbury taq nvmlvt svrado pønyàngìpè ínø Roma taq vlwe indrú shvrúng shú zùngò shvrúng shú tiqpè gø íe. AD 596 taq St. Augustine nø Svrabín koqkámpè St. Gregory taqkèní st. Augustine nvng 30 gø svng England múngdàn svng dvbùshvng mòngkà dvshvng lvm dvpvt dvzvŕ bøa.

Angmaq lvngà Kent wamà taq tuq bøì kvt England koqkámpè Ethelbert íàng maq svng chøm taq matoònø shøngtøng lvmpang taq vl dvzvŕ òe. Pàwálvm wani àngmaq mvdònø mvndan paqzí shae waku svreò we rvt íe. Koqkámpè Ethelbert íàngmaqò shvla we tvnù mangárì shábøà mèpvngnø vto òwe mvtaq Canterbury wamà taq shvrà zíònø dvbùshvng mòngkà dvshvng dvzvŕ bøa.

We móngdàn taq vlwe móng vsvng vkíng mvdàm Gvray kaq kámlúngì we íAD 597 nøng Shvnshvŕ pvlàcèò poyni taq nø koqkámpè Ethelbert gø tìlopkám shì bøì. Svrabín koqkámpèò dvzvŕ shú St. Augustine mvdònø tvsvng vzøm we vdòng taq shvnshvŕ we tvrà yùlnø mvdóng we mø:í dvshà mvhøt lvm vdòng taq cipshì we nønt kèní dvzaq dvkáng shì nø wa lúnshì e wa nø kámnønt taq kèní dvzaq dvkángshì bøì.

Àngmaqí Gvray tvrà dvbùshvng mòngkà dvshvng we taq tòniò tónglaqyà rìsvng vpøâònø mvmángsáng laqyàrì tvle shvnshvŕ we póyrì svng wáaòe. St. Augustine í Canterbury wamà vdòng taq noqngøm tøngnø tiqlòng nvng St. Peter nvng St. Paul wa tøò we shvrúng shú mòngkà zùng tiq lòng gø wa yàngà we íe.

AD 605 nøng taq St. Augustine àngò lvpvt bébøì we ínø England môngdàn rvsángcè rìò shvnshvŕ vsvng tiq gø wanø vpø bøà we íe.