St. Barnard

St. Barnard nø clairvaux ò zùng øp tiqpè íyàngì. 1090 nøng taq France móngdàn Foundanace myoq taq dvgòng vl we døngku tiqrap taq kèní gvl yàngà. Àngò lvpat 22 nøng dvgvp noqngøm chøm tiq lòng taq vjúrøt shì dvgvp Citeaux myoq taq vl we Cistercian monks wawe doraq zùng svng gòng lvm dvpat Gvray í shøngran zílúngà. Àng shvkse kámshì we taq àngò dvbùshvng mòngkà taq kèní àngò rvmnvngrì nvng àngní àngnvmrì 30 gø àng mèpvng zànnø doraq zùng svng gòng lúngì wae. 3 nøng naq ráì mèpvngnø àngò rvmnvng doraq 12 gø nvng Warmwood wamà taq doraq zùng tiqlòng poqpvng lvm dì yàngì. Àngò shvnshvŕ we dvgùng gùngshvng rat àngpè nvng dòraq 130 gø svng gø kámnøt tvrà svng vlíng vpo dvzvŕ bøà. Àng lvpat taq dvløt gvzàm we àngpvn pvn vhøm we rìtaq kèní gø mvngvnnò nø chutcháng lúnshì yàngì we íe. Àngò lvpat taq Gvray yángkèní dàlvm nvmik gømlarì gø gvzà dvtan lúnò pègø íe. Tiqni rvtø taq Foigny noqngøm wáng vdòng shvmø zønlì vkøn ráì dvgvp gø àngò dvkámkà taq kèní vgám lún yàngà. Àngò dvgùngshvng tewe lòng taq móng øp koqkámrì nvng Svrabín koqkámrì taq kèní gø gvzà vlømv:mø we íe. Àngí vruò we kàrurì svng gø móngdøng táng vsvngrì taq kèní vtoò we íe. AD 1144 nøng taq nø Svrabín koqkám Pope Eugene III pè taq kèní vní boq waboq Cruciate mvjàn vdòng taq dvbùshvng mòngkà dvkang lvm vmíng vkáng zíyàngà we íe. St. Barnard nø AD 1153 nøng taq lvpat béyàngì.