St. Bonaventure

Kámnøt shvre tiqpè íwe st. Bonaventure nø Italy móngdàn batnoregyo taq gvl yàngà. Àngò vsak 22 nøng taq Franciscan mvdo svng gòngvmì nø àng bøng svng gø John wa tøshìwe taq kèní mèpvng dvpat mòngzøl lòng wanø lvchøm lúnshìwe Bonaventure wanølíngshì yàngì. Àngnø paqzí cvnshì we dang taq dvtut cvnshì lúnlvm dvpat àngsvng Paris myoqsvng dvzvŕ bøa dvgvp St. Thomas Aquinas nvng gø vsháke bøìnø vrvm yàngì. St. Thomas Aquinas taq kèní àng svng nyan paqzíò àngrø nø kapàímá wanø røtvnà dvgvp àngí kàngpè yesu wulgáng svng dvtan yàngà. St. Bonaventure shønwe taq vsvng tiqgø nø kadvgvp gø heliyet mvrshøm wáshìwenø wegøò nøt mvsøn pvlàcè mòngzøl lòng vl lvm shvlá vtangíwe Gvrayò jejú gømpaqíe wa shønyàngì. St. Bonaventure nø àng lvpat 35 nønt taq Franciscan mvdoò shølshú vgo bønráì mepvng àngmaq dvhø taq vzivrùng wawe àngpvn pvn dang taq màrám màráwe rìsvng shvrám shvrá lún yàngà. Àngnø shanshvŕwe vsvngrì dvpat bvnlì wá dvzaq shì we tiqpè gøíe. AD 1273 nøng taq 10 pè wapè Svrabín koqkám Gregory taqkèní st. Bonaventure svng Cardinal vya dangònø Roma svng dvzvŕ yàngà. St. Bonaventure nø AD 1274 nøng taq byintit móngdàn no 2 boq Leon Council svng di:vmì dvgvp lvpat béyàngì.