St. Columban

St. Columban

Iralan dvcìrì tiqpè ínø dvbùshvng bvnlì taq dvzaqshì yàngì we St. Columban nø AD 563 nøng West Leinster rvgaq taq gvl yàngà. Angò làngré lvpat taq chømyo svrécèrì taqkèní gvzà vnvp shì rawe svng gø vhøm yàngà.

We rvtø taq paqzí vlwe shaqré tiqmè svng wedø íwe svmaré rìtaq kèní kadø wa gvrshì nø vl lún lvm ímá wa røtnò dvgvp wemèí vtànvt nàwe nø Adam svng éwaqí kadø linvm yàngà èsháòe má? Dalilah í sam sun svng kùngà yúmdø kadø gvzàm yàngà, Bashibaq í Daviq svng kadø shvtìn yàngà we nvng Solvmon ò mvshøl èyàngò. Vsvng kaya vløpvm we yatì wàng taq kèní kadø shèlut shìni wanø shvdømòe. We mèpvng Columban nø ang chøm vsvngrì kaq gurò nø doraq mvdò svng gòng á:mì.

St. Columban nø ang vsvk 45 nøng íráì kvt France móng nvng Italy móngdàn rìkaq di nø dvbùshvng mòngkà dvshvng yàngà. Angí dvrá gvzà zaqwe doraq zùngrì poqòe, we doraq zùngrì taq svmaré rì dí mvlún shì we mvtaq zùngmàrì kaq svng gø angmaqí waò we bvnlì nvng vdu vbóng dángte wa á:maq dvzvŕ òe.

St. Columban nø nvngøp, pvlèí vlé sháshì we mvràrì svng yvlshì lúnlvm dvpat gvzà dvzaq dvkángshì we tiqpè gø íe. Ang shøn we taq vsvng nø tiqdá vsvng kaq yitkewe, mvrà shvri we, vtu we rìkaq svng bat tut mvshóng shøng wae. We dang taq vyáshì mvsháò we vsvng tiqgø nø shoq màwácè vl rae. Mø:í ni mòngzøl we dang kàrì wa shøn lvm wáshì vdu e wanø shøn yàngì. St. Columban nø AD 615 nøng Bobbio doraq zùng taqni lvpat béyàngì.