St. Eusebius

St. Eusebius
St. Eusebius nø Vercelli myuqò svrado tiqpè íyàbgì. AD 283 nøng Italy móngdàn Sardinia myuq taq gvlyàngà. Àngpè nø shvngømré vdòng taq kámnøt shvre tiqgø wáshìnø lvpat zíshì yàngì mèpvng àngmèí àng svng Roma myuq kaq gvlyàngà.
St. Eusebius nø shvrúng shú lvpat taqkèní Italy móngdàn Vaseli myuq taq rúngyàngì nø AD 340 nøng taq svrado vya kámshì lún yàngà. 
St. Eusebius nø gvray bvnlì taq nøtløpshì nø dvzaq dvkángshì lvm tvrà rìsvng shvrúng shú rì kaq shvngøt dvtú dvzaq shì yàngì we tiqgø gø íyàngì.
St. Eusebius taqkèní AD 354 nøng taq wàyàngà we shvngømré zubùngmè taq Arianism wawe lòngzàpè yesu nvng kàngpè gvray nø dvgùng shvring lvm tvrà, pvnmvn we dangrì taq màbóng wawe cvndøng dvrárì svng vgám dvzaq shì yàngì we rat àngsvng Constantius Emperor gàmzø koqkámpè taqkèní àngsvng Egypt móng kaq lùng yàngà we svng gø vhøm yàngà. Wedø móngdàn vtánglvp svng lùngòwe tvrà yànggùngø St. Eusebius àngsvng dvkì vrèò weí gvray kaq kámnøt tvrà svng gur lvm dvkámò we ínìgø welòng taq nøt dvzaq dvkángshì nø vgám lún yàngà. AD 361 nøng taqnø Constantius koqkámpè shì vmì nø àngnø we móng svng vrá vtáng yàngì. Wemè pvng Maselli myuq taqø dvbùshvng mòngkà dvshvngò nø kámnø tvrà taq tvrà vmvn we vsvngrì kaq gálòng tvrà svng dvtangā lún yàngà.
St. Eusebius nø AD 371 nøng taq lvpat béyàngì.