St. John of God

St. John of God

St. John nø AD 1491 nøng Portugal móngdàn taq shøq yàngà. Àngnø Spain cèldap taq bvnlì wàyàngì we tiqgø ínø mvgam mà shvla we bvnlìrì gvzà vhøm yànga we mèpvng nø nøt vwáng shì ráì nø gvray kaq apnúngshì lvm kàciq ratshì yàngì. Àng vsak 40 nøng taq nø kámnøt shvre tiqpè bønlún lvm dvpat wanø Africa móngdànrì svng ngang yàngì.

We rvgaq kèní vtáng ráì nø Spain móng svng vrá tuq ráì mèpvng nø shvngømré dvrè rì nvng kàru bok rì nvm we sing poqpvng yàngà. St. John nø 1538 nøng Avila myuq taq vlwe rvtø gvray dvbùshvng mòngkà taq chá vle nøt løp shì weí dvru tiqpè dø bønnø nøt nvng sing we cìróng taq cì zíshì ràwe gø vhøm yàngà.

We dvgvp kèní St. John nø wedø cì zíshì ràwe vsvngrì dvpat nvng dvshá mvhoq vsvngrì kaq dvbangā lúmlvm ratnø cìróng wa ràwe svng yàng bøà. We rat 1539 taqnø gvranaka myuq taqø ni Brother of Hospitallers mvdò svng poqpvng yàngà. Wedø àngò shèrwe nøt mvsøn svng yàngò nø we myuqò svrado pè taqkèní àng svng Gvrayò shànshér we John wanø bøng zíyàngà.

St. John àng kadvgvp gø shønwe kà taq 'røtvm vsvng kaq èzíò nø dvbangā weí àngdè tiqgóng dvpat jejú la shàì" wanø zaywà taqkèní gø kadvgvp gø shvdøm we íe. Tiqni St. John svng àngò cìróng taq màshvla we svmarérì vle wanø na á:mò weí àng svng Svrado pèí røtnò dvgvp àngí cipshìwe nøt kèní vtànò we taq ya cìróng vdòng mà shvla we vsvngnø ngà taqkèní dvgá mvvl wanø vtànòe. St. John svng 1550 nøng 13 wapè Svrabín koqkám Leo í àngsvng cì róng rì svng roqgvr pè wanø mvsat yàngà.