St. Lawrence

St. Lawrence

St. Lawrence nø Italy móngdàn brand DC wamà taq AD 1559 nøng taq gvl yàngà. Àng vsak 16 dvgvp Verona Cabuchin Franciscan zùng svng gòng bøìnø àngbøng svng gø Cizarel wawe taq kèní Lawrence wanø líng shì yàngì. Bathwa University taq nøt sun paqzí nvng Gvray paqzí rì cvnshì we mvtaq kàpvn mvme nvng chøm paqzí dang taq gø gvzà mvdaq nø paqzí dvtan lún yàngà we íe.

Shvrúng shú jau vya kámshì bøì mèpvng dvbùshvng mòngkà dvshvng we bvnlì taq gvzà vløm:ámòpè ínø Europe móngdànrì taq bøng téyàngì we íe. Àngnø kámnøt tvrà nvng singwe kàru vru svra tipè íwe mvtaq Yudaq vsvngrì kaq svng gø Gvray tvrà taq vlíng vpo dvzvŕ yàngàwe tiqgø gø íe.

AD 1598 nøng taqnø Svrabín koqkámpè Claiming taqkèní àng svng mvding mvman wawe vsvngrì kaq vgám lún lvm dvpat Germany móngdàn taq Carbochin doraq mvdò svng poq pvng dvzvŕ yàngà. Àngò shiqshàn we nøt mvsøn rat Hungary móngdàn taq ngànshà wáshìwe Turkey vsvngrì kaq svng mvngan lvm dvpat shvrúngshú jau tiqpè ku gø dang yàngà we íe.

AD 1601 nøng taq zegefé hává mvjàn shi mvbung dvgvp Gvray kaq kámwe cèlcèrìò shølshú wáshì nø Dark dvcì ngànshàrìò wvl taq kènî Europe móng svng gø chutcháng lún yàngà we íe. St. Lawrence nø AD 1602 taq Carbuchín mvdòò shølshú vgo íbøì nø dvzvŕ shú shvlá bvnlì taq dvzaq shìwe mvtaq noqngøm tvràrì taq gø mvti mvni bvnlì wá dvzaqshì we tiqpè gø íe. St. Lawrence nø AD 1619 nøng cacél wamà taq lvpat bé yàngì we íe.