St. Louis

St. Louis nø AD 1214 nøng Poisel myuq taq gvlyàngà. Àngmèí àngsvng cvm lvpat taq kèní kámnøt tvrà taq nøt løm lvm nvng shølshú vgo shvlá tiqpè bøn lvm dvpat shvngøt vjøn yàngà we íe. Àngnø vsak 19 nøng taq koqkámècè Margret nvng døngku shvzøng shìyàngì nø cvmré 11 gø vdá yàngì. St. Louis nø àng vsak 22 nøng wà shiíwe rvtø taq kèní bintit móngdànò koqkám vya svng kámshì yàngì we ínø móngøp we bvnlì taq gvzà vløm shì vrvm we tiqpè íyàngì. Àngò móngøp lvpat taq móng vsvngrì shvngbe nø mòngzøl dø vl lún yàngà wanø àngò lvpat mvshøl taq kèní shálún shìe. Àngò koqkám lvpat taq móngdàn vdòng vmyat we bvnlìrì svng vgámò weí dvshà mvhoq vsvngrì kaq svng roqgvr yàngà we mvtaq tiqdá vsvng kaq màshvla we kà kadvgvp gø mvshøn darwe tiqpè gø íe. Àngnø shvngømré bvnlì taq gvzà dvzaq shìwe mvtaq mvrà vchángshì we dang svng gø shóngshì pèíe. St. Louis nø ngvnshàpè svng gø dvsháza we nøt gvĺ shìwe ínø àngpèò kà mvdà àngmè kà svng téwa cvndøngò oègø íe. St. Louis nø AD 1250 nø vdòng shvngømré mvjàn tiqlòng taq vbá vdu ráì we taq tung rúng vdu yàngì we íe. Àng tung taq kèní léshì ráì mèpvng shvnshvŕ we rvgaq svng zaqlèwàng dìyàngì. Àngnø 1270 taq shvngøré mvjàn tiq kat vrá bungráì rvtø taq záyàng vkøn ráì weí lvpat béyàngì.