St. Luke

Cìsvrarì nvng hang vru svrarì kaq roqgvr pèwa nø shvnshvŕ vsvng mvsat shì yàngì we St. Luke nø Antioch myoqò cìsvra tiqpè íyàngì. Angò lvpat vlíng po ráìmèpvng nø dvzvŕ poloò dvbùshvng bvnlì wawe taq rvmnvng shvlá tiqpè íráì nø langdøm rvtø høqshaq dvzaq shì yàngì we íe.

Wedang nvng sing nø 2 Timoti 4:11 taq Luka wa ngà nvng v̄le. Marko gø nà nvng tiqdø laq di ra. Pàwá wani dvzøm bv̀nlì taq ang gø ngà dvpvt zǿmdv̀nge. Wanø vru yàngà we svng yánglún shìe. AD 64 nøng taq dvzvŕ Polo nøkámnøt tvrà nvng gønshaq zíshì yàngì we ínø Luka nø Greek móngdàn taq nvrshì nø vlwe rvtø 3 boq waboq dvbùshvng lèga nvng dvzvŕrì lèga svng vru yàngà.

Angnø paqzí vdè tiqgø íwe taq Gvray shvnshvŕ lèga svng tøp tøp wa vru yàngà. Luka nø muqlàng dvzvŕí mariq svng kà dvtáò we nvng angnvm mè Elizabeth yáng gvwanò we jømciqrì kaq svng shvng shvng wa vru yàngà we tiqpè gø íe. Darì mvshøl shvkse rìtaq Luka nø hang cømla vru we taq gvzà mvdaq we ínø Yesu angmè mariqò hang cømla svng nvmlat vru pvng yàngà pègø íe wae.

Angnø vsak 84 nøng taq lvpat béyàngì nø ang nvng sing we shvnshvŕ we dvrèrì svng Constantinople myoq taq vl we dvzvŕìò noqngøm tøngnø taq dèni høq shaq gvlò nø vpø shvringò we íe.