St. Matthew

Dvbùshvng mòngkà vruyàngàpè, dvzvŕ Matí nø Galilé rvgaq Episo myoq taq gvlyàngà we kuyagún tiqpè gø íyàngì. Roma dvcìrìò kuyagún tiqpè íyàngì we rat ang svng nøt mvshèrpè wanø gø mvrà shvri yàngà we íe. Ang nø Gabenaum mvrìng taq kuyagún we bvnlì wawe rvtø Yesuí angsvng goyàngà we íe. Matí nø Yesuí angsvng govtnà weó chyàng angò dvrèrì shvngbe gu:rò nø Yesu mèpvng zàn yàngì.

Tiqni taq Yesu nø Matí chøm taqø vyélshì dawe svng Farishí rìí yàngbøà kat angmaqí Yesu svng Namaq Svra pè nø kùyà gú:nò rì, mvrà v̄l vsvngrì* nvng tiqdø kadø̄ í nø v̄m aqe ma?” a:lòe. Yesuí tá bǿà kvt a:lò we nø, “Cìsvra nø zarì dvpvt wa zǿmdv̀nge, mvza vsvng nø zǿm mvdv̀ng. Kàru taq, ‘Ngà nø shvrúng núngpà mvdv̀mø mvréza nøt svng mv̀ng té shònge,’ wa kà ang lvjø̄m ècvnshiv́mnøng. Pàwálv́m wani Ngà nø, døngman vsvng kaq go nvng dø̀ng dakngà we mø̀í, mvrà v̄lrì svng lè go nvng dø̀ng dakngà,” a:lòe.

Matí angí vru yàngà angò dvbùshvng karu rìnø angí chvpdap vhøm yàngàrì vru shaq ínø kømzøp we íe. Matí angí vru yàngà we kàrurì taq Yesuò angrì angyàngrì lvpat mvshøl taq kèní pvngshì we íe.

Angí Mako svng kàngkì, Luka svng nù:ngwà, Yohán svng Ca wanø shvbóng yàngà we íe. Mvshøl rì taq kèní Matí nø we rvgaq taq dvbùshvng bvnlì wabøì mèpvng nvmsvr lvp vlwe móngrì kaq svng vrá dvbùshvng mòngkà dvshvng lúngà dvgvp kámnøt tvrà taq ni gønshaq zíshì yàngì wanø shá lún shìe.

Add new comment

1 + 0 =