St. Mercillinus & St. Peter

St. Marcellinus nvng Peter

St. Marcellinus nø Roma myo taq gvzà bøngte we shvrúng shú jau tiqpè íyàngìnø St. Peter nø kámnøt taq kèní mvmáng cáng nvng cáng dvchøpmò rì svng lúng dángò we tiqpè íyàngî.Ad 304 nøng taq deogvlésíanò kám vsvngrì kaq shvnip shvnarò we rvtø taq àngní lvngà svng tapkéò nø tungtaq rúngò we vhøm yàngà. We dvgvp tung súngshú adenious ínø àngní lvngàò kámnøt svng vpøò we í àngmaq rvpkup gø kám lúngìnø tìlop kámshì lvn røtshì ráì. We mèpvng àngní lvngà svng Silva Nigra wa we dvpø svng shølbøà dángí vgo tutònø shvt yàngà. We dang svng Gvray kaq kám vsvng tiqgøí we tungsúngshúpè taq kèní shvkse kam yàngà we íe. We mèpvng àngníò shì vnvng lòng svng Gvray tvrà taq dvzaqshì we svmaré vní mè í we Lucila nvng Fimína í mvyøní lùònø Labicana tvrà shvnvng St. Tiburtius dvgàm taq køm yàngà. Àngní lvngàò dvgàm mvdàm taq Constantií nøngøm tøngnø tiqlòng wabøà we mvtaq àngmè St. Hellin svng gø we shvrà taqni køm yàngà we íe.

Add new comment

15 + 1 =