St. Pope John I

St. Yohan (pope) Svrabín koqkámpe Yohán1 nø Italy móngdàn Tuscany myoq taq gvlyàngà.

Cvm lvpvt taq kèní Roma taq vl we shvrúng shú jau paqzí mòngkà zùng taq cvnshì nø AD 523 nøng shvrúng shú jau pvt taq ni Svrabín koqkám vya dang yàngà. We mèpvng Italy móngdàn koqkámpè Theodoricò krinmang gvsa wáshìnø Constantinople móngdànrì svng zaqlèwàng dìyàngì.

We móngdàn taq vl we móngdàn vsvngrì taq kèní Svrabín koqkámpè svng gvzà vlømshì we í vtoòe. Svrabín koqkámpè Yohán I taq kèní Italy móngdàn taq vl we rvsángcè rì svng Constantinople móngdànrìí tvle teqshì we mvl lvm nìmò we taq koqkámpè Theodoric shvmná mvgør weí AD 528 nøng Svrabín koqkámpè Roma svng loráìke Ravenna tong taq rúngyàngà nø shvnip shvnarò weí gvzà malé we rvtø we tung vdòngtaq nì gønshaq dvbømshìyàngì.