St. Teresa of Avila

St. Teresa of Avila nø Spain dvcì kèní Carmelite mvdò maq maq tiqmè íyàngì. Ang svng AD 1515 nøng Spain móngdàn Avila myoq taq gvl yàngà. Ang cvmré lvpat taq kèní ang lvpat svng Gvray kaq apnúng shìlvm shvrúng nøt kèní télúngì we tiqgø gø íe.

Ang vsak 12 nøng taq ni angmè shìbøì nø Yesu angmè mariq svng wa kám vlømshì ráì nø ngà vmè nø nà èíe wanø vlømshì we nøt kèní ni vrvm vjú røt shìe. Ang vsak 20 nøng íráì dvgvp Avila myoq taq vlwe Carmelite maq maq zùng svng gòng ráì. Weyángø tiq ráì kat ang lvpat taq gvzà danø nøt dat lvmdø íwe rìsvng yàng lúngà.

We zùng taq vlwe ang rvmnvngrì ò vhú vhwaq vlwe laqyárì, lvgùn nø pàbvnlì gø mvwa we svng yàng bøà kat vtang shaq nøt yòl lvm vhømòe. Wedø íwe vdòng taq St. Teresa of Avila nø nøt dvzaq dvkángshì nø 1561 nøng taq shvngømré rìí vgám we dvhø Carmelite maq maq mvdò svng vrá poq pvng lúngà. Angò zùng taq cvndøng lvm dvrárì gvzà zaq dø gvlò nø gvray kaq angdè lvpat apnúng shìlvm tvrà, cvndøng dvrárì gvl òe. Angò cvndøng dvrárì taq cipshìwe nøt kèní vlràe wawe lvjøm ku cømri nvng íwe hí shvnvm svng wa nvmshì lvm dvkám we íe.

Angmaq taq síngrvl nøt mvdøng vlràe wawe svng gø dvkám yàngà. St. Teresa nø shvnshvŕ lèga taq vru yàngàwe shøngran lèga ciqrì kaq shóngshì weí ang taq kèní vrá shvngøt dvtú we lègarì gvzà vruvyàngà we íe.

Angò lvpat nø AD 1528 nøng taq béyàngì nø ang svng gø shvnshvŕ vsvng tiqmè wanø mvsat yàngà we íe.

Add new comment

13 + 3 =