St. Thomas

St. Thomas

Shvnshvŕpè st. Thomas nø galilé wamà taq vlwe dvshà vsvng tiqrap taq kèní gvlyàngà we tiqpè ínø Gvray kaq kámwe dang taq shíkamshìwe tiqpè gøíe. Ínì gø àngnø kàngpè yesu shìyáng kèní zunbøì mèpvng àngnø dvzvŕrì taq kèní kashìnø kàngpè yesu shìyáng kèní zunbøì walòng svng mvkámwe nønt vtiqpè gø íe. We dø íwervt àngsvng nønt vtiqpè thomas wanø bøngzí yàngàwe íe.

Kàngpè yesu coqcánrì dvhø dvtánshì bøìwe tiqlvbán naq bøì mèpvng coqcv'nrì svng vní boq wa baq dvtánshì ráìkvt Yesuí Toma svng, “Nà wurhàm èzúshi ra nø, Ngà wur svng èshupmà. Vrá nà wur èzúshi ra nø, Ngà svràmpa mènokngà, màkv́m mèwáshìni, èkv́m,” a:lòe.

Wervtnø̀ Yesuí, “Nàí nø Ngà svng èyv̀ng bǿngà rvtnø wa èkv́me ma? Mvyà:ngò nìgø kv́mrì angmaq nø ìshøt ìgv̀n v̄le,” a:lòe. Thomas àngkámbøìnø shvnshvŕ pvlàcè vtoshìlún bøà mèpvngnø àngsvng tvpkébøànø India koqkámpè Gundafor wvl taqø vshuq wáshì dvzvŕ yàngà wanø darì mvshøl kàrurì taq kèní shálúnshìe.

Rvmø paqzí gvzà mvdaq we Thomas svng koqkámpè í àngò koqkám kówaò we taq lángyàngà we íe. Koqkámpè ímvyàngò we rvtørì taq àngò zìbèrì svng dvshá mvhoq vsvngrì dvpvt vwálaò we ítùbum shìyàngìwe tiqpè gøíe. Koqkámpè vrá tuqráì kvt Thomas svng àngí dvzvŕ bøawe koqkám kówaò e dang nvng sing nø røtvt nà dvgvp Thomas í koqkámpè svng welòng koqkám kónø yalvpvt tq yáng mèlún daqò zùpvng móngètuqvm dvgvp wa èyànglúngòe wa nø shønòwe kàrvt koqkámpè shvmná mvgør ráì weí Thomas svng pòlàng chaqònø dvki lvm vmíng gvl bøà.

Ínìgø tiqni taq koqkámpè yøpnvng shøngran taq Thomas í àng dvpvt dvgøa bøà we koqkámkó svng yàngbøàwe rvt àngsvng shìlvm vrí taq kèní shvlut yàngàwe mvtaq koqkámpè nvng àngcèlcèrì shvngbe gø kámráìnø tìløp kámshì ráì. We mèpvngnø India móng kayáng màyángø Thomas í dvbùshvng mòngkà dvshvngvtnà.

Tiqni taq koqkámpè Mazdayò chømè svng Gvray kaq kám vsvng tiqgø bøn dvzvŕ lúngàwe írvt koqkámpè nvng vzing lúngì mèpvng Thomas svng shìgùn mvdàmø shatyàngà.

Add new comment

9 + 6 =